കന്യാകുമാരി ജില്ലയിൽ പ്ലസ് ​ടുവിന്​ 95.08 ശതമാനം വിജയം

നാഗർകോവിൽ: കന്യാകുമാരി ജില്ലയിൽ പ്ലസ് ടു പരീക്ഷയിൽ 95.08 ശതമാനം പേർ വിജയിച്ചു. ജില്ലയിൽ ആകെ 24398 പേർ പരീക്ഷ എഴുതിയതിൽ 23198 പേർ വിജയിച്ചു. ഇതിൽ 13001പേർ പെൺകുട്ടികളാണ്. 54 സർക്കാർ സ്കൂളിൽ 5547 പേർ പരീക്ഷ എഴുതിയതിൽ 5213 പേർ വിജയിച്ചു. സർക്കാർ സ്കൂളിലെ വിജയശതമാനം സംസ്ഥാന തലത്തിൽ രണ്ടാംസ്ഥാനത്താണ്. കണ്ണുകാണാൻ പാടില്ലാത്ത 12പേർ പരീക്ഷ എഴുതിയതിൽ 11 പേർ വിജയിച്ചു. സംസാരശേഷിയും കേൾവിശേഷിയും ഇല്ലാതെ പരീക്ഷ എഴുതിയ 17പേരിൽ എല്ലാപേരും വിജയിച്ചു.