തരൂരിനെതിരായ കുറ്റപത്രം രാഷ്​ട്രീയപ്രേരിതം ^വി.എസ്. ശിവകുമാർ

തരൂരിനെതിരായ കുറ്റപത്രം രാഷ്ട്രീയപ്രേരിതം -വി.എസ്. ശിവകുമാർ തിരുവനന്തപുരം: ശശി തരൂരിനെതിരെ ഡൽഹി പൊലീസ് സമർപ്പിച്ച കുറ്റപത്രം രാഷ്ട്രീയ പ്രതിയോഗികളെ ഉന്മൂലനം ചെയ്യുന്നതിനുള്ള ബി.ജെ.പിയുടെ നയത്തി​െൻറ ഭാഗമാണെന്ന് വി.എസ്. ശിവകുമാർ എം.എൽ.എ പറഞ്ഞു. പാർലമ​െൻറ് തെരഞ്ഞെടുപ്പ് ആസന്നമായിരിക്കുന്ന സാഹചര്യത്തിൽ കോൺഗ്രസ് നേതാക്കളെ തേജോവധം ചെയ്യുന്നതിനുള്ള ബി.ജെ.പിയുടെ ശ്രമം ജനങ്ങൾ തിരിച്ചറിയും. ഭരണനേട്ടങ്ങളില്ലാത്ത കേന്ദ്രസർക്കാർ ഇത്തരം നടപടികളിലൂടെ മുന്നോട്ടുപോകുന്നത് അവർ ജനങ്ങളിൽനിന്ന് കൂടുതൽ ഒറ്റപ്പെടുന്നതിനേ ഇടയാക്കുകയുള്ളൂവെന്നും ശിവകുമാർ പറഞ്ഞു.