Begin typing your search above and press return to search.
exit_to_app
exit_to_app
Posted On
date_range 10 May 2018 8:26 AM GMT Updated On
date_range 10 May 2018 8:26 AM GMTആനപ്പാറ കമ്യൂണിറ്റി ഹാള് ഇന്ന് നാടിന് സമര്പ്പിക്കും
text_fieldsbookmark_border
വെള്ളറട: രണ്ടുപതിറ്റാണ്ട് ആരും തിരിഞ്ഞുനോക്കാതിരുന്ന വെള്ളറട സര്ക്കാര് കമ്യൂണിറ്റിഹാൾ ഒടുവിൽ ശാപമോഷം നേടുന്നു. ആനപ്പാറയില് 24 വര്ഷം മുമ്പ് പണി പൂര്ത്തിയാക്കിയശേഷം ഉപേക്ഷിക്കപ്പെട്ട ഹാള് വ്യാഴാഴ്ച നാടിന് സമര്പ്പിക്കും. വൈകീട്ട് നാലിന് മന്ത്രി കെ. രാജു ഉദ്ഘാടനം ചെയ്യും. ഹരീന്ദ്രന് എം.എല്.എ അധ്യക്ഷതവഹിക്കും. ഉദ്ഘാടന പരിപാടി വലിയ ആഘോഷമാക്കാനുള്ള തയാറെടുപ്പിലാണ് പ്രദേശവാസികള്. 500 പേര്ക്ക് ഇരിക്കാവുന്ന ഹാള്, 350 പേര്ക്കുള്ള ഭക്ഷണഹാൾ, ഫോറസ്റ്റ് ഉദ്യോഗസ്ഥര്ക്കാവശ്യമായ വിശ്രമമുറികൾ എന്നിവയാണ് പൂര്ത്തീകരിച്ചത്. മന്ത്രി കെ. രാജുവിെൻറ നേരിട്ടുള്ള ഇടപടലാണ് മണ്ഡപത്തിന് പുനർജന്മം നൽകിയത്. 34 ലക്ഷം അനുവദിച്ച മന്ത്രി അടിയന്തര പൂര്ത്തീകരണനിർദേശവും നല്കി. സി.പി.ഐ വെള്ളറട മണ്ഡലം സെക്രട്ടറി കള്ളിക്കാട് ചന്ദ്രെൻറയും സി.പി.ഐ പ്രാദേശിക നേതൃത്വത്തിെൻറയും ശ്രമങ്ങളും ഇതിന് പിന്നിലുണ്ടായിരുന്നു. കാലങ്ങള്ക്ക് മുമ്പ് പണി പൂര്ത്തീകരണത്തിലേക്ക് കടക്കുന്നതിനിടെ ഉണ്ടായ അനാവശ്യ അഴിമതിയാരോപണങ്ങളും വിജിലന്സ് അന്വേഷണങ്ങളും കാരണം നിർമാണം നിർത്തിെവക്കാന് ബന്ധപ്പെട്ടവര് നിര്ബന്ധിതരാവുകയായിരുന്നു. സാധാരണക്കാർക്ക് ഏറെ ഗുണപ്രദമായ ഹാൾ ഉടൻ പ്രവര്ത്തനമാരംഭിക്കണമെന്ന ആവശ്യവുമായി നാട്ടുകാർ നിരന്തരം രംഗത്തുവന്നിരുന്നു. തറയോടും ടൈല്സും പതിപ്പിക്കുന്നതിെൻറ അവസാന പണികളും പൂര്ത്തിയാക്കി. പെയിൻറിങ്, കതക്, ജനാല, മേല്ക്കൂര എന്നിവ മാറ്റിസ്ഥാപിച്ചു. ശുദ്ധജലടാങ്കും സാനിറ്റേഷന് വയറിങ്ങും പൂര്ത്തിയാക്കി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story