Begin typing your search above and press return to search.
exit_to_app
exit_to_app
Posted On
date_range 31 March 2018 5:14 AM GMT Updated On
date_range 31 March 2018 5:14 AM GMTപിഴ പൊലീസിെൻറ പോക്കറ്റിൽ; അന്വേഷിക്കാൻ മനുഷ്യാവകാശ കമീഷൻ ഉത്തരവ്
text_fieldsbookmark_border
തിരുവനന്തപുരം: പിഴ ഈടാക്കുന്ന രസീതിൽ കൃത്രിമംകാണിച്ച് പണംതട്ടുന്ന പൊലീസുകാർക്കെതിരെ അന്വേഷണം നടത്തി 30 ദിവസത്തിനകം വിശദീകരണം നൽകണമെന്ന് മനുഷ്യാവകാശ കമീഷൻ. പെറ്റിക്കേസുകളിൽ വൻതുക പിഴ ഈടാക്കി സ്വന്തം പോക്കറ്റിലിടുന്ന പൊലീസുകാർക്കെതിരെ കർശനനടപടി സ്വീകരിക്കണമെന്ന് കമീഷൻ ആക്റ്റിങ് അധ്യക്ഷൻ പി. മോഹനദാസ് ആവശ്യപ്പെട്ടു. പൊലീസുകാർ തോന്നിയ മട്ടിലാണ് പൊതുജനങ്ങളിൽനിന്ന് പെറ്റിക്കേസുകളിൽ പിഴ ഈടാക്കുന്നതെന്ന് കമീഷൻ ഉത്തരവിൽ ചൂണ്ടിക്കാട്ടി. യാത്രക്കാരിൽനിന്ന് 500 രൂപ പിഴവാങ്ങിയശേഷം അതേതുക കാണിച്ച് രസീത് നൽകുമെങ്കിലും കൗണ്ടർ ഫയലിൽ 500 എന്നത് നൂറാക്കി തിരുത്തുമെന്നാണ് ആരോപണം. പൊലീസുകാരെ നിയമം കൈയിലെടുക്കാൻ അനുവദിക്കരുതെന്നും സംസ്ഥാന പൊലീസ് മേധാവി, തിരുവനന്തപുരം സിറ്റി പൊലീസ് കമീഷണർ എന്നിവരിൽനിന്ന് കമീഷൻ അന്വേഷണ റിപ്പോർട്ട് ആവശ്യപ്പെട്ടു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story