ചിരട്ടപ്പാൽ ഇറക്കുമതി പാടില്ല ^ഉമ്മൻ ചാണ്ടി

ചിരട്ടപ്പാൽ ഇറക്കുമതി പാടില്ല -ഉമ്മൻ ചാണ്ടി തിരുവനന്തപുരം: ചിരട്ടപ്പാൽ ഇറക്കുതി ചെയ്യാനുള്ള നീക്കം ഉപേക്ഷിക്കണമെന്നാവശ്യപ്പെട്ട് പ്രധാനമന്ത്രിക്കും കേന്ദ്രവാണിജ്യമന്ത്രിക്കും മുൻ മുഖ്യമന്ത്രി ഉമ്മൻ ചാണ്ടി കത്തെഴുതി. കേന്ദ്രനീക്കത്തിനെതിരേ സംസ്ഥാന സർക്കാർ അടിയന്തരനടപടി സ്വീകരിക്കണം എന്നാവശ്യപ്പെട്ട് മുഖ്യമന്ത്രിക്കും കത്തുനൽകി. തെക്കു-കിഴക്കൻ രാജ്യങ്ങളിൽനിന്ന് കുറഞ്ഞനിരക്കിൽ ലഭിക്കുന്ന ചിരട്ടപ്പാൽ ഇറക്കുമതിചെയ്ത് ഇന്ത്യയിലെ ഗുണനിലവാരമുള്ള റബറിനു പകരം ഉപയോഗിക്കാനാണ് വ്യവസായികൾ ശ്രമിക്കുന്നത്. രാജ്യത്തി​െൻറ വിദേശനാണ്യം ചോർത്തുന്ന നടപടി കൂടിയാണിത്. വൃത്തിഹീനമായ സാഹചര്യത്തിൽ, നന്നായി ഉണക്കുകപോലും ചെയ്യാതെ കൊണ്ടുവരുന്ന ചിരട്ടപ്പാൽ പരിസ്ഥിതിക്കും കൃഷിക്കും ദോഷകരമാണ്. ബ്രസീലിൽ ചിരട്ടപ്പാൽ ഇറക്കുമതി ചെയ്ത് അവിടെയുള്ള റബറും മറ്റു കാർഷിക ഉൽപന്നങ്ങളും നശിച്ച ചരിത്രമുണ്ടെന്നും ഉമ്മൻ ചാണ്ടി കത്തിൽ പറഞ്ഞു.