Begin typing your search above and press return to search.
exit_to_app
exit_to_app
Posted On
date_range 20 March 2018 5:21 AM GMT Updated On
date_range 20 March 2018 5:21 AM GMT'തെരുവുവിളക്ക്: അജണ്ട കൗൺസിലിൽ മാറ്റിെവച്ച നടപടി പക്വതയില്ലാത്തത്'
text_fieldsbookmark_border
കൊല്ലം: എൻ.കെ. പ്രേമചന്ദ്രൻ എം.പിയുടെ പ്രാദേശിക വികസന ഫണ്ട് ഉപയോഗിച്ച് അഞ്ചാലുംമൂട് ഡിവിഷനിൽ തെരുവുവിളക്കുകൾ സ്ഥാപിക്കുന്നതിനുള്ള അജണ്ട കഴിഞ്ഞ കൗൺസിൽ യോഗത്തിൽ മാറ്റിെവച്ച നടപടി വികസന പ്രവർത്തനങ്ങളെ മുരടിപ്പിക്കുന്നതും പക്വതയില്ലാത്തതുമാണെന്ന് ആർ.എസ്.പി ജില്ല സെക്രട്ടറി ഫിലിപ് കെ. തോമസ് പറഞ്ഞു. ഡിവിഷൻ കൗൺസിലർ എം.എസ്. ഗോപകുമാറിെൻറയും പ്രദേശവാസികളുടെയും നിരന്തര അഭ്യർഥനയെ മാനിച്ചാണ് ഡിവിഷെൻറ വികസനത്തിന് ആവശ്യമാണെന്ന് കണ്ട് ഏഴ് ലക്ഷം രൂപ എം.പി പ്രാദേശിക വികസന ഫണ്ടിൽനിന്ന് അനുവദിച്ചത്. എൽ.ഡി.എഫ് എം.എൽ.എമാരുടെ ഫണ്ടുകൾ കൗൺസിൽ പലതവണ അനുവദിച്ച് നൽകിയിട്ടുണ്ട്. എം.പിയുടെ വികസന ഫണ്ടിെൻറ കാര്യത്തിൽ മേയറും സി.പി.എം ഭരണസമിതിയും പക്ഷപാതപരമായിട്ടാണ് തീരുമാനങ്ങൾ കൈക്കൊള്ളുന്നതെന്നും ജില്ലയുടെ സമഗ്ര വികസനത്തിന് നേതൃത്വം നൽകുന്ന എൻ.കെ. പ്രേമചന്ദ്രൻ എം.പിയെ ജനങ്ങൾ സ്വീകരിക്കുമെന്നും പ്രസ്താവനയിൽ പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story