ബാങ്ക്​ ശാഖകൾ ഉപരോധിച്ചു

തിരുവനന്തപുരം: അകാരണമായി 13 ജീവനക്കാരെ പിരിച്ചുവിട്ടെന്നാരോപിച്ച് എച്ച്.ഡി.എഫ്.സി സ്റ്റാൻഡേർഡ് ലൈഫ് ഇൻഷുറൻസ് കമ്പനിയിലെ ന്യൂജനറേഷൻ ബാങ്ക്സ് ആൻഡ് ഇൻഷുറൻസ് സ്റ്റാഫ് അസോ. (സി.ഐ.ടി.യു) സംസ്ഥാനത്തെ എച്ച്.ഡി.എഫ്.സി ബാങ്ക് ശാഖകൾ ഉപരോധിച്ചു. ബാങ്കി​െൻറ ഏഴ് ജില്ലകളിലെ ശാഖകളാണ് ഉപരോധിച്ചത്. അതേസമയം, സ്റ്റാൻഡേർഡ് ലൈഫ് ഇൻഷുറൻസ് കമ്പനിയുമായി എച്ച്.ഡി.എഫ്.സി ബാങ്കിന് ബന്ധമില്ലെന്നും സമരം അനാവശ്യമാണെന്നുമാണ് ബാങ്ക് അധികൃതർ നൽകുന്ന വിശദീകരണം.