കറൻസി അച്ചടി കൂട്ടി ^റിസർവ്​ ബാങ്ക്​

കറൻസി അച്ചടി കൂട്ടി -റിസർവ് ബാങ്ക് മുംബൈ: രാജ്യത്ത് കറൻസി ക്ഷാമമില്ലെന്നും എങ്കിലും നാലു അച്ചുകൂടങ്ങളിൽ നോട്ട് അച്ചടിയുടെ തോത് കൂട്ടിയതായും റിസർവ് ബാങ്ക്. വിതരണത്തിലെ പ്രശ്നം കാരണം ചില മേഖലകളിൽ ക്ഷാമം അനുഭവപ്പെടുന്നുണ്ടാകാമെന്ന് ആർ.ബി.െഎ പത്രക്കുറിപ്പിൽ അറിയിച്ചു. എ.ടി.എമ്മുകളിൽ നിരന്തരം പണം നിറക്കുന്നതിൽ പ്രശ്നങ്ങളുണ്ടാകാം. ഇൗ രണ്ടു കാര്യങ്ങളും ആർ.ബി.െഎ നിരീക്ഷിക്കുന്നുണ്ട്. അസാധാരണമായ തോതിൽ പണം പിൻവലിക്കൽ നടക്കുന്ന പ്രദേശങ്ങളിലേക്ക് പണമെത്തിക്കാൻ നടപടിയെടുത്തിട്ടുെണ്ടന്നും പത്രക്കുറിപ്പിൽ പറയുന്നു.