മൂന്ന്​ സൈബർ പൊലീസ്​ സ്​റ്റേഷനുകൾ കൂടി

തിരുവനന്തപുരം: എറണാകുളം, തൃശൂർ, കോഴിക്കോട് എന്നിവിടങ്ങളിൽ സൈബർ പൊലീസ് സ്റ്റേഷനുകൾ ആരംഭിക്കാൻ മന്ത്രിസഭാ യോഗം തീരുമാനിച്ചു. സൈബർ കുറ്റകൃത്യം തടയാനും അന്വേഷണം കാര്യക്ഷമമാക്കാനും ലക്ഷ്യമിട്ടാണ് ഇവ അനുവദിച്ചത്. ഒാരോ സ്റ്റേഷനുകളിലേക്കും സർക്കിൾ ഇൻസ്പെക്ടർ അടക്കം 18 തസ്തിക വീതം അനുവദിച്ചു. ആകെ 54 തസ്തികയാണ് സൃഷ്ടിക്കുക. സർക്കാർ-എയ്ഡഡ് വിഭാഗത്തിെല എല്ലാ വിദ്യാഭ്യാസ സ്ഥാപനങ്ങളെയും തീരദേശ നിയന്ത്രണ മേഖല (സി.ആർ.ഇസഡ്) ക്ലിയറൻസിനുള്ള പരിശോധനാ ഫീസിൽനിന്ന് ഒഴിവാക്കാനും മന്ത്രിസഭാ യോഗം തീരുമാനിച്ചു.