Begin typing your search above and press return to search.
exit_to_app
exit_to_app
Posted On
date_range 17 April 2018 5:27 AM GMT Updated On
date_range 17 April 2018 5:27 AM GMTകായികതാരങ്ങൾ തീയിൽ കുരുത്തവർ ^മേയർ വി.കെ. പ്രശാന്ത്
text_fieldsbookmark_border
കായികതാരങ്ങൾ തീയിൽ കുരുത്തവർ -മേയർ വി.കെ. പ്രശാന്ത് തിരുവനന്തപുരം: കായികതാരങ്ങൾ തീയിൽ കുരുത്തവരാണെന്നും അതുകൊണ്ടുതന്നെ ഏത് പ്രതിസന്ധിയെയും തരണംചെയ്യാനും അവർക്കു കഴിയുമെന്നും മേയർ വി.കെ. പ്രശാന്ത്. കാര്യവട്ടം സായി എൽ.എൻ.സി.പി.ഇയിലെ സമ്മർക്യാമ്പ് ഉദ്ഘാടനം ചെയ്യുകയായിരുന്നു അദ്ദേഹം. ജില്ലയിലെ ഏറ്റവുംവലിയ അവധിക്കാല കായിക പരിശീലനക്കളരിയാണ് സായിയിലേത്. ആയിരത്തിലധികം കുട്ടികളും രക്ഷാകർത്താക്കളും ഇവിടെയെത്തുന്നു. കായിക പരിശീലനം ശരീരത്തെ മാത്രമല്ല മനസ്സിനെയും ശക്തമാക്കും. ഇത്തരത്തിലുള്ള കായിക സംസ്കാരമാണ് രാജ്യത്ത് വളർന്നുവരേണ്ടതെന്നും അദ്ദേഹം പറഞ്ഞു. കെ.എം. ബീനാമോൾ അധ്യക്ഷത വഹിച്ചു. ഷൈനി വിത്സൺ മുഖ്യ പ്രഭാഷണം നടത്തി. ചലച്ചിത്രതാരം പ്രിയങ്ക നായർ വിശിഷ്ടാതിഥിയായി. കായികതാരങ്ങളായ കെ.സി. ലേഖ, ഗീതു അന്ന ജോസ്, സുഭാഷ് ജോർജ്, ശർമ എസ്.പി. നായർ, സോണി ചെറുവത്തൂർ, രാധിക കപിൽദേവ്, പ്രിൻസിപ്പൽ ഡോ. ജി. കിഷോർ എന്നിവർ സംസാരിച്ചു. സന്തോഷ് ട്രോഫി ജേതാക്കളായ കേരള ടീമിെൻറ പരിശീലകൻ സതീവൻ ബാലൻ, കളിക്കാരായ ലിജോ എസ്, സജിത്ത് പൗലോസ്, എസ്. സീസൻ, ഫിസിയോ തെറപിസ്റ്റ് ഡോ. അരുൺ എസ്. മനോജ് എന്നിവരെ മേയർ ആദരിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story