Begin typing your search above and press return to search.
exit_to_app
exit_to_app
Posted On
date_range 11 April 2018 5:14 AM GMT Updated On
date_range 11 April 2018 5:14 AM GMTവ്യാപാരി വ്യവസായി ഏകോപനസമിതി ജാഥ ഉദ്ഘാടനം
text_fieldsbookmark_border
കരുനാഗപ്പള്ളി: നാലര പതിറ്റാണ്ട് മുമ്പ് ഏറ്റെടുത്ത 30.5 മീറ്റർ ഭൂമിയിൽ ദേശീയപാത വികസനം നടപ്പാക്കുക, ദേശീയപാതയും ജനങ്ങളുടെ സഞ്ചാരസ്വാതന്ത്ര്യവും ബി.ഒ.ടിക്ക് അടിയറവ് വെക്കാതിരിക്കുക, വ്യാപാരികളുടെ ന്യായമായ അവകാശങ്ങൾ അംഗീകരിക്കുക തുടങ്ങിയ ആവശ്യങ്ങൾ ഉന്നയിച്ച് കേരള വ്യാപാരി വ്യവസായി ഏകോപനസമിതി ജില്ല കമ്മിറ്റിയുടെ ആഭിമുഖ്യത്തിൽ ആരംഭിച്ച വ്യാപാര- തൊഴിൽ -ജീവിത -സംരക്ഷണ വാഹനജാഥ ഓച്ചിറയിൽ സംസ്ഥാന ജനറൽ സെക്രട്ടറി രാജു അപ്സര ഉദ്ഘാടനം ചെയ്തു. സമിതി ഓച്ചിറ യൂനിറ്റ് പ്രസിഡൻറ് എൻ.ഇ. സലാം അധ്യക്ഷതവഹിച്ചു. ഡോ. ആസാദ് മുഖ്യപ്രഭാഷണം നടത്തി. ജാഥാ ക്യാപ്റ്റൻമാരായ എസ്. ദേവരാജൻ, ജി. ഗോപകുമാർ എന്നിവർ സംസാരിച്ചു. ജാഥക്ക് താലൂക്ക് മർച്ചൻറ്സ് അസോസിയേഷെൻറ ആഭിമുഖ്യത്തിൽ കരുനാഗപ്പള്ളിയിൽ വരവേൽപ് നൽകി. ഏകോപനസമിതി സംസ്ഥാന സെക്രട്ടറി ജി. ഗോപകുമാർ സമ്മേളനം ഉദ്ഘാടനം ചെയ്തു. കരുനാഗപ്പള്ളി താലൂക്ക് മർച്ചൻറ്സ് അസോസിയേഷൻ പ്രസിഡൻറ് അബ്ദുൽ റസാഖ് രാജധാനി അധ്യക്ഷതവഹിച്ചു. ജനറൽ സെക്രട്ടറി പുളിമൂട്ടിൽ ബാബു സ്വാഗതം പറഞ്ഞു. ജില്ല പ്രസിഡൻറ് എസ്. ദേവരാജൻ, ബ്ലോക്ക് കോൺഗ്രസ് പ്രസിഡൻറ് എൻ. അജയകുമാർ, മുസ്ലിം ലീഗ് നിയോജകമണ്ഡലം പ്രസിഡൻറ് കാട്ടൂർ ബഷീർ, ഹൈവേ ആക്ഷൻ ഫോറം സംസ്ഥാന സെക്രട്ടറി നാസർ കാട്ടുംപുറം, കെ.ജെ. മേനോൻ, എം.എം. ഷെരീഫ് എന്നിവർ സംസാരിച്ചു. എസ്. കബീർ, എ.കെ. ഷാജഹാൻ, പി. രാജീവ്, നൗഷറുദ്ദീൻ, ഡി. വാവച്ചൻ, എൻ. രാജീവ്, നേതാജി ബി. രാജേന്ദ്രൻ, നവാസ് പുത്തൻവീടൻ, ഷൈലജ ബേബി, സുധീർ ചോയ്സ് എന്നിവർ നേതൃത്വം നൽകി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story