Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightTrivandrumchevron_rightസ്ത്രീകളിൽനിന്ന്​...

സ്ത്രീകളിൽനിന്ന്​ സ്വർണവും പണവും തട്ടിയെടുത്ത നടൻ അറസ്​റ്റിൽ

text_fields
bookmark_border
കൊല്ലം: ആൽബം നടനെന്ന നിലയിൽ ബന്ധം സ്ഥാപിച്ച് സ്ത്രീകളിൽനിന്ന് സ്വർണവും പണവും തട്ടിയെടുത്തയാളെ പൊലീസ് പിടികൂടി. തട്ടാമല സ്വദേശി സജീവാണ് അറസ്റ്റിലായത്. കിളികൊല്ലൂർ, കടയ്ക്കൽ, അഞ്ചൽ സ്റ്റേഷനുകളിലായി നിരവധി കേസുകളിൽ പ്രതിയാണ് സജീവെന്ന് പൊലീസ് പറഞ്ഞു. സ്ത്രീകൾ മാത്രമുള്ള വീടുകളിൽ കയറി അവരുടെ ആഭരണങ്ങൾ വാങ്ങി നോക്കി താൻ അഭിനയിച്ച ആൽബങ്ങളുമായി ബന്ധപ്പെടുത്തി സംസാരിക്കും. കുടിക്കാൻ എന്തെങ്കിലും ആവശ്യപ്പെട്ട ശേഷം സ്ത്രീകൾ അതെടുക്കാൻ പോകുന്ന തക്കം ആഭരണങ്ങളുമായി മുങ്ങുന്നതാണ് പതിവ്. ഇതിനിടെ ഒരു വീട്ടിൽ നിന്ന് വിലകൂടിയ മൊബൈലും മോഷ്ടിച്ചു. ഈ ഫോൺ ഉപയോഗിക്കുന്നയാളി​െൻറ പിന്നാലെ സഞ്ചരിച്ചാണ് പൊലീസ് പ്രതിയിലേക്ക് എത്തിയത്. സജീവ് അഭിനയിച്ചിട്ടുള്ള ഒട്ടുമിക്ക ആൽബങ്ങളും സൂപ്പർ ഹിറ്റാണെന്ന് പൊലീസ് പറഞ്ഞു. ഇയാൾ കൂടുതൽ തട്ടിപ്പ് നടത്തിയിട്ടുള്ളതായി സംശയിക്കുന്നുണ്ട്. കമീഷണറുടെ നേതൃത്വത്തിലുള്ള ഷാഡോ സംഘം പിടികൂടിയ പ്രതിയെ കൂടുതൽ അന്വേഷണത്തിനായി കിളികൊല്ലൂർ പൊലീസിന് കൈമാറി.
Show Full Article
TAGS:LOCAL NEWS 
Next Story