സി.പി.എം നേമം ഏരിയ സമ്മേളനം

ബാലരാമപുരം: മതനിരാസമല്ല മതനിരപേക്ഷതയാണ് സി.പി.എം ലക്ഷ്യമെന്ന് സി.പി.എം സംസ്ഥാന സെക്രേട്ടറിയറ്റംഗം എം.വി. ഗോവിന്ദൻ പറഞ്ഞു. സി.പി.എം നേമം ഏരിയ സമ്മേളനത്തോടനുബന്ധിച്ച് നടന്ന സമാപന പൊതുസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. രാജ്യത്താകമാനം സംഘർഷം സൃഷ്ടിച്ച് മതനിരപേക്ഷമൂല്യങ്ങളും മൗലികാവകാശങ്ങളും ഇല്ലാതാക്കി ഹിന്ദുരാഷ്ട്രം സൃഷ്ടിക്കാനാണ് ബി.ജെ.പി--ആർ.എസ്.എസ് ശ്രമം. ബി.ജെ.പിയുടെ സാമ്പത്തിക നിലപാടുകൾ പ്രകോപനപരമാണ്. ജി.എസ്.ടി വന്നതോടെ വില വർധിെച്ചന്നും ജനവിരുദ്ധ സാമ്പത്തിക നിലപാടുകൾ നടപ്പിലാക്കുന്ന കാര്യത്തിൽ കോൺഗ്രസിനും ബി.ജെ.പിക്ക് ഒരേനിലപാടാണെന്നും അദ്ദേഹം പറഞ്ഞു. നേമം ഏരിയ സെക്രട്ടറി പാറക്കുഴി സുരേന്ദ്രൻ അധ്യക്ഷനായി. ടി. മല്ലിക സ്വാഗതവും പി. ടൈറ്റസ് നന്ദിയും പറഞ്ഞു.