ദേവസ്വം ബോർഡ്​: വിജിലൻസ്​ അന്വേഷണത്തിൽ തീരുമാനം ഇന്ന്​

തിരുവനന്തപുരം: മുൻ പ്രസിഡൻറ് പ്രയാർ ഗോപാലകൃഷ്ണൻ, അംഗമായിരുന്ന അജയ് തറയിൽ എന്നിവർെക്കതിരായ വിജിലൻസ് അന്വേഷണം സംബന്ധിച്ച് ചൊവ്വാഴ്ച ചേരുന്ന തിരുവിതാംകൂർ ദേവസ്വംബോർഡ് യോഗം തീരുമാനിക്കും. വ്യാജരേഖകളുണ്ടാക്കി പണം തട്ടിയെന്ന ആരോപണത്തെക്കുറിച്ച് ദേവസ്വം വിജിലൻസ് അന്വേഷിക്കണമെന്ന് മന്ത്രി കടകംപള്ളി സുരേന്ദ്രൻ നിർദേശിച്ചിരുന്നു. ആ സാഹചര്യത്തിലാണ് ദേവസ്വം ബോർഡ് യോഗം ഇക്കാര്യത്തിൽ തീരുമാനം കൈക്കൊള്ളുക. ദേവസ്വം വിജിലൻസ് എസ്.പിയുടെ നേതൃത്വത്തിലാകും അന്വേഷണം.