ഹയർ സെക്കൻഡറി സ്​ഥലംമാറ്റം: സർക്കാർ ഇടപെടണം ^-എ.കെ.എസ്​.ടി.യു

ഹയർ സെക്കൻഡറി സ്ഥലംമാറ്റം: സർക്കാർ ഇടപെടണം -എ.കെ.എസ്.ടി.യു തിരുവനന്തപുരം: സംസ്ഥാനത്തെ ഹയർ സെക്കൻഡറി സ്കൂൾ അധ്യാപകരുടെ സ്ഥലം മാറ്റം നടത്താൻ സർക്കാർ തയാറാകണമെന്ന് എ.കെ.എസ്.ടി.യു സംസ്ഥാന കമ്മിറ്റി ആവശ്യപ്പെട്ടു. ഹയർ സെക്കൻഡറി ഡയറക്ടറേറ്റി​െൻറ പിടിപ്പുകേടാണ് സ്ഥലംമാറ്റം വൈകുന്നതിന് കാരണം. തുടരെ അപാകതകൾ നിറഞ്ഞ കരട് ലിസ്റ്റ് പ്രസിദ്ധീകരിച്ച് അധ്യാപകരിൽ ആശങ്ക സൃഷ്ടിക്കുന്ന നടപടിയാണ് ഡയറക്ടറേറ്റ് ചെയ്യുന്നത്. നിലവിലുള്ള മാനദണ്ഡങ്ങൾക്കു വിധേയമായി സ്ഥലംമാറ്റം നടത്തി അധ്യാപകർക്ക് നീതി ഉറപ്പാക്കാൻ തയാറാകണമെന്നും വിദ്യാഭ്യാസമന്ത്രി ഇടപെടണമെന്നും കമ്മിറ്റി ആവശ്യപ്പെട്ടു.