Begin typing your search above and press return to search.
exit_to_app
exit_to_app
Posted On
date_range 6 Nov 2017 5:17 AM GMT Updated On
date_range 6 Nov 2017 5:17 AM GMTആലപ്പാട് കുഴിത്തുറ ഫിഷറീസ് സ്കൂളിന് 5.58 കോടിയുടെ വികസനപദ്ധതി ^മന്ത്രി ജെ. മേഴ്സിക്കുട്ടിയമ്മ
text_fieldsbookmark_border
ആലപ്പാട് കുഴിത്തുറ ഫിഷറീസ് സ്കൂളിന് 5.58 കോടിയുടെ വികസനപദ്ധതി -മന്ത്രി ജെ. മേഴ്സിക്കുട്ടിയമ്മ കരുനാഗപ്പള്ളി: കുഴിത്തുറ ഗവ. ഫിഷറീസ് സ്കൂൾ വികസനത്തിന് തീരദേശ വികസന അതോറിറ്റിയിൽനിന്ന് കഫ്ബി വഴി 5.58 കോടി ലഭ്യമാക്കുമെന്ന് മന്ത്രി ജെ. മേഴ്സിക്കുട്ടിയമ്മ പറഞ്ഞു. സ്കൂളിെൻറ ശതാബ്ദി ആഘോഷം ഉദ്ഘാടനം ചെയ്യുകയായിരുന്നു അവർ. തീരദേശത്തെ 56 സ്കൂളുകളുടെ അടിസ്ഥാനസൗകര്യ വികസനത്തിന് 181 കോടി രൂപയുടെ പദ്ധതി ഫിഷറീസ് വകുപ്പ് തയാറാക്കി കിഫ്ബിക്ക് നൽകിയിട്ടുണ്ട്. മത്സ്യത്തൊഴിലാളികളുടെ മക്കൾക്ക് സൗജന്യ സിവിൽ സർവിസ് പരിശീലനം നൽകുന്ന പദ്ധതി ഈവർഷം ആരംഭിക്കും. പ്രഫഷനൽ കോഴ്സുകൾക്ക് ഇപ്പോൾ നൽകുന്ന പരിശീലനം തുടരും. കഴിഞ്ഞവർഷം 40 കുട്ടികൾക്കാണ് ഫിഷറീസ് വകുപ്പിെൻറ സഹായത്താൽ പരിശീലനം നൽകിയത്. ഇതിൽ 12 പേർക്ക് എം.ബി.ബി.എസിനും രണ്ടുപേർക്ക് ബി.ഡി.എസിനും പ്രവേശനം ലഭിച്ചു. ഇത്തവണ അറുപത് പേർക്ക് പരിശീലനം നൽകാനാണ് ലക്ഷ്യമിടുന്നതെന്നും മന്ത്രി പറഞ്ഞു. മത്സ്യസമ്പത്തിെൻറ സംരക്ഷണം ഉറപ്പാക്കുന്നതിന് ദക്ഷിണേന്ത്യയിലെ ഫിഷറീസ് മന്ത്രിമാരുടെ യോഗം ഡിസംബറിൽ കേന്ദ്രമന്ത്രിയുടെ സാന്നിധ്യത്തിൽ ചേരുമെന്നും മന്ത്രി പറഞ്ഞു. ആർ. രാമചന്ദ്രൻ എം.എൽ.എ അധ്യക്ഷത വഹിച്ചു. ബ്ലോക് പഞ്ചായത്ത് പ്രസിഡൻറ് ഷെർലി ശ്രീകമാർ, പഞ്ചായത്ത് അംഗം സി. രാധാമണി, വി. സാഗർ, എസ്. സുഹാസിനി, എൻ. ബിനുമോൻ, പ്രിയമാലിനി, എസ്. ഷാനി, ജി. രാജദാസ്, ബീനാ തമ്പി, എസ് ജെ. മുംതാസ് എന്നിവർ സംസാരിച്ചു. ഗ്രാമപഞ്ചായത്ത് പ്രസിഡൻറ് പി. സലീന സ്വാഗതം പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story