ഇപ്പോഴും കൈയൂക്കുള്ളവൻ കാര്യക്കാരൻ ^വി.എസ്. അച്യുതാനന്ദന്‍

ഇപ്പോഴും കൈയൂക്കുള്ളവൻ കാര്യക്കാരൻ -വി.എസ്. അച്യുതാനന്ദന്‍ മണ്ണന്തല: സാമൂഹികജീവിതത്തിൽ എല്ലാ മനുഷ്യരെയും കൈപിടിച്ചുയർത്താൻ കഴിയാത്തത് ജനാധിപത്യസംവിധാനത്തി​െൻറ പരിമിതിയാണെന്നും കൈയൂക്കുള്ളവൻ കാര്യക്കാരനാകുന്ന സ്ഥിതിയാണ് ഇന്നുള്ളതെന്നും വി.എസ്. അച്യുതാനന്ദൻ പറഞ്ഞു. സാമൂഹികനീതി വകുപ്പി​െൻറയും ഓർഫനേജ് കൺട്രോൾ ബോർഡിേൻറയും ആഭിമുഖ്യത്തിൽ നടന്ന കുടുംബസംഗമം ഉദ്ഘാടനം ചെയ്യുകയായിരുന്നു അദ്ദേഹം. ജനാധിപത്യ സങ്കൽപം എല്ലാ മനുഷ്യർക്കും തുല്യമായ അവകാശങ്ങളും അവസരസമത്വവും പ്രദാനംചെയ്യുന്നതാണ്. എന്നാൽ പ്രായോഗികജീവിതത്തിൽ ഇതു സംഭവിക്കാറില്ല എന്നതാണ് സത്യം. അവസാനനിരയിൽ ഇരിക്കുന്നവ​െൻറ ശബ്ദംകൂടി ഉയർന്നുകേൾക്കുമ്പോൾ മാത്രമേ ജനാധിപത്യം പൂർണമാകൂവെന്നാണ് ഗാന്ധിജി പറഞ്ഞിട്ടുള്ളത്. എന്നാൽ സ്വാതന്ത്ര്യം ലഭിച്ച് ഏഴ് പതിറ്റാണ്ട് പിന്നിടുമ്പോഴും ഇത് സാക്ഷാത്കരിക്കാൻ നമുക്ക് കഴിഞ്ഞിട്ടില്ലെന്നും വി.എസ് പറഞ്ഞു. നാലാഞ്ചിറ മാർഗ്രിഗോറിയസ് റിന്യൂവൽ സ​െൻററിൽ നടന്ന ചടങ്ങിൽ കൗൺസിലർ ജോൺസൺ ജോസഫ്, ജില്ല സാമൂഹികനീതി ഓഫിസർ എൽ. രാജൻ, ജില്ല ഓർഫനേജ് അസോസിയേഷൻ പ്രസി‌ഡൻറ് ശ്രീകുമാരി, സെക്രട്ടറി പീറ്റർദാനം എന്നിവര്‍ സംസാരിച്ചു.