വാഹനപരിശോധനക്കിടെ നിരോധിച്ച പാൻപരാഗ്​ പിടികൂടി, ഒരാൾ പിടിയിൽ

വെള്ളറട: നിരോധിത പുകയില ഉൽപന്നങ്ങൾ വ്യാപകമായി വിൽപന നടത്തുന്നുണ്ടെന്ന രഹസ്യവിവരത്തെ തുടർന്ന് പൊലീസ് വാഹനപരിശോധന കർശനമാക്കി. ചൊവ്വാഴ്ച പുലർച്ച നടത്തിയ വാഹനപരിശോധനയിൽ കാറിൽ കടത്തുകയായിരുന്ന 150 പാക്കറ്റ് പാൻപരാഗ് പിടികൂടി. വാമനപുരം സ്വദേശി സന്തോഷാണ് (44) പിടിയിലായത്. വെള്ളറട എസ്.െഎ വിജയകുമാറി​െൻറ നേതൃത്വത്തിലായിരുന്നു പരിശോധന. വരും ദിവസങ്ങളിലും വാഹനപരിശോധന നടത്തുമെന്ന് പൊലീസ് പറഞ്ഞു.