Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightTrivandrumchevron_rightതെരഞ്ഞെടുപ്പിന് ജില്ല...

തെരഞ്ഞെടുപ്പിന് ജില്ല തയാര്‍; ആകെ 2590470 വോട്ടര്‍മാര്‍

text_fields
bookmark_border
തിരുവനന്തപുരം: തദ്ദേശഭരണ തെരഞ്ഞെടുപ്പിന് തയാറെടുത്ത് ജില്ല. വോട്ടര്‍പട്ടിക അനുസരിച്ച് 2590470 പേരാണ് ജില്ലയിലെ സമ്മതിദായകര്‍. ഇതില്‍ വനിതകളാണ് മുന്നില്‍. 1370545 പേര്‍. പുരുഷന്മാര്‍ 1219917 പേരും. ഭിന്നലിംഗക്കാരായ എട്ട് പേര്‍ക്കും ജില്ലയില്‍ വോട്ടവകാശമുണ്ട്. ജില്ലയിലെ ഒരു തദ്ദേശസ്ഥാപനത്തിലും ഇനി പുനക്രമീകരണമോ വാര്‍ഡ് വിഭജനമോ ഇല്ല. തിരുവനന്തപുരം കോര്‍പറേഷന്‍ വിഭജിച്ച് കഴക്കൂട്ടം മുനിസിപ്പാലിറ്റി രൂപവത്കരിക്കാന്‍ സര്‍ക്കാര്‍ തീരുമാനിച്ചെങ്കിലും കോടതി റദ്ദാക്കിയിരുന്നു. ഇതോടെ കഴക്കൂട്ടം വീണ്ടും തിരുവനന്തപുരം കോര്‍പറേഷനില്‍ ഉള്‍പ്പെട്ടു. പെരുമാതുറയടക്കം ഏതാനും ഗ്രാമപഞ്ചായത്തുകള്‍ രൂപവത്കരിക്കാന്‍ തീരുമാനിച്ചെങ്കിലും നടന്നില്ല. ഫലത്തില്‍ ജില്ലയില്‍ എല്ലാം പഴയപടി. 2010ലെ വാര്‍ഡ് അടിസ്ഥാനത്തിലാകും തെരഞ്ഞെടുപ്പ് നടക്കുക. കൂടുതല്‍ വോട്ടര്‍മാരുള്ള തദ്ദേശസ്ഥാപനം തിരുവനന്തപുരം കോര്‍പറേഷനാണ്; 759454 പേര്‍. മുനിസിപ്പാലിറ്റികളില്‍ ഏറ്റവും കൂടുതല്‍ വോട്ടര്‍മാരുള്ളത് നെയ്യാറ്റിന്‍കരയിലാണ്. 57939 പേര്‍. നെടുമങ്ങാട് മുനിസിപ്പാലിറ്റിയില്‍ 47855 പേര്‍ക്കും വര്‍ക്കലയില്‍ 29770 പേര്‍ക്കും ആറ്റിങ്ങലില്‍ 28770 പേര്‍ക്കും വോട്ടവകാശമുണ്ട്. ഗ്രാമപഞ്ചായത്തുകളില്‍ ഏറ്റവും കൂടുതല്‍ വോട്ടര്‍മാരുള്ളത് പാറശാലയിലാണ്; 41429 പേര്‍. കള്ളിക്കാടാണ് ഏറ്റവും കുറവ്; 11145 പേര്‍.
Show Full Article
TAGS:
Next Story