വിവിധ ഭാവങ്ങള്‍ കാമറക്കണ്ണുകളില്‍ പകര്‍ത്തി ‘കുട്ടി ഫോട്ടോഗ്രാഫര്‍മാര്‍’

തൃശൂര്‍: കലോത്സവ വേദികളിലെ മത്സരാര്‍ഥികളുടെ വിവിധ ഭാവങ്ങള്‍ കാമറക്കണ്ണുകളില്‍ പകര്‍ത്തി കുട്ടി ഫോട്ടോഗ്രാഫര്‍മാര്‍. ദേവമാത സ്കൂളിലെ വിദ്യാര്‍ഥികളായ 36 പേരാണ് മത്സരാര്‍ഥികളുടെ ഫോട്ടോ എടുക്കാന്‍ ചുമതലപ്പെടുത്തിയിട്ടുള്ളത്. ആണ്‍കുട്ടികളും പെണ്‍കുട്ടികളുമടങ്ങുന്ന ഇവരുടെ സേവനം എല്ലാ വേദികളിലും ലഭ്യമാണ്. ദേവമാത സ്കൂളിലെ മാസ് മീഡിയ ഡിപ്പാര്‍ട്ട്മെന്‍റും ഫോട്ടോഗ്രാഫി ക്ളബിലെ അംഗങ്ങളും ചേര്‍ന്നാണ് വേദിയില്‍ മത്സരത്തിനത്തെുന്ന വിദ്യാര്‍ഥികളുടെ ഫോട്ടോ കാമറയില്‍ പകര്‍ത്തുന്നത്. പ്രഫഷനല്‍ ഫോട്ടോഗ്രാഫര്‍മാരെ വെല്ലുന്ന രീതിയിലാണ് ഇവരില്‍ പലരും നൃത്ത വേദികളിലെ ഫോട്ടകള്‍ കാമറക്കുള്ളിലാക്കുന്നതെന്ന് എടുത്തു പറയണം. ഫോട്ടോഗ്രാഫാര്‍ ലിജോ ജോസഫിന്‍െറ നേതൃത്വത്തില്‍ ഒരുമാസം വിദ്യാര്‍ഥികള്‍ക്ക് പരിശീലനം നല്‍കിയരുന്നു. കൊച്ചു ഫോട്ടോഗ്രാഫര്‍മാര്‍ എടുക്കുന്ന ചിത്രങ്ങള്‍ പിന്നീട് മീഡിയ റൂമിലത്തെിച്ച് ആവശ്യാനുസരണം മത്സരാര്‍ഥികള്‍ക്ക് നല്‍കും. സ്കൂളിലെ വിഷ്വല്‍ ആര്‍ട്സ് ക്ളബ് അംഗങ്ങളും കോമേഴ്സ് മാസ് മീഡിയ വിദ്യാര്‍ഥികളുമാണ് കാമറ കൈയിലെടുത്തത്.