Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightPathanamthittachevron_rightസാമൂഹികവിരുദ്ധര്‍ക്ക്...

സാമൂഹികവിരുദ്ധര്‍ക്ക് തണലേകി മണ്ണടിതാഴത്ത് ചന്ത

text_fields
bookmark_border
അടൂര്‍: സാമൂഹിക വിരുദ്ധര്‍ക്ക് യഥേഷ്ടം വിഹരിക്കാനായി ഗ്രാമപഞ്ചായത്ത് സൗകര്യം ഒരുക്കിയിരിക്കുന്നു. ഇതിന്‍െറ ക്രെഡിറ്റ്് കടമ്പനാടിനുസ്വന്തം. കടമ്പനാട് ഗ്രാമപഞ്ചായത്തിലെ 11ാം വാര്‍ഡില്‍ പ്രവര്‍ത്തനം നിലച്ച മണ്ണടി താഴത്ത് ചന്തയാണ് സാമൂഹിക വിരുദ്ധര്‍ക്ക് തണലേകുന്നത.് ഒരുകാലത്ത് പഞ്ചായത്തിന് കൂടുതല്‍ വരുമാനം ലഭിച്ചിരുന്ന ചന്തകളില്‍ ഒന്നാണിത്. ഒരേക്കറോളം സ്ഥലമുണ്ടായിരുന്ന ചന്തയുടെ വിസ്തൃതി സ്വകാര്യ വ്യക്തികളുടെ കൈയേറ്റം മൂലം 50 സെന്‍റായി കുറഞ്ഞു. ചന്ത തിങ്കളും വ്യാഴവുമാണ് പ്രവര്‍ത്തിച്ചിരുന്നത്. 21 വര്‍ഷമായി ചന്തയുടെ പ്രവര്‍ത്തനം നിലച്ചിട്ട്. മണ്ണടി, മുടിപ്പുര, ദേശക്കല്ലുംമൂട്, ദളവ ജങ്ഷന്‍, നിലമേല്‍, കൊല്ലം ജില്ലയിലെ കുളക്കട, തുറവൂര്‍, ഐവര്‍കാല എന്നിവിടങ്ങളില്‍ നിന്ന് നിരവധിയാളുകള്‍ ചന്തയില്‍ സാധനങ്ങള്‍ വില്‍ക്കാനും വാങ്ങാനും എത്തുമായിരുന്നു. ഒരു കാലത്ത് കാര്‍ഷിക ഉല്‍പന്നങ്ങളും കോഴിയും മത്സ്യവും വാങ്ങാന്‍ ദൂരപ്രദേശങ്ങളില്‍നിന്നവരെ ആളുകള്‍ മണ്ണടി താഴത്ത് ചന്തയില്‍ എത്തുമായിരുന്നു. ചന്തയിലെ പഞ്ചായത്ത് വക കെട്ടിടത്തിലാണ് തപാല്‍ കാര്യാലയം പ്രവര്‍ത്തിക്കുന്നത്. ഇതോടൊപ്പമുള്ള മുറി ചോര്‍ന്നൊലിക്കുന്ന അവസ്ഥയിലാണ്. ചന്തയില്‍ സ്ഥാപിച്ച കുഴല്‍ക്കിണര്‍ സാമൂഹികവിരുദ്ധര്‍ നശിപ്പിച്ചു. സന്ധ്യ മയങ്ങിയാല്‍ ചന്ത സാമൂഹികവിരുദ്ധരുടെ പിടിയിലമരും. കാടുകയറി പ്രവര്‍ത്തനമില്ലാത്ത ചന്തയില്‍ ചെയ്യാത്ത പുനരുദ്ധാരണത്തിന്‍െറ പേരില്‍ പറക്കോട് ബ്ളോക് പഞ്ചായത്ത് ലക്ഷങ്ങളുടെ അഴിമതി നടത്തിയത് വിവാദമായിരുന്നു. ഒടുവില്‍ ജില്ലാ പഞ്ചായത്ത് മുന്‍ ഭരണസമിതി കാലത്ത്് അപ്പിനഴികത്ത് ശാന്തകുമാരി ഡിവിഷനെ പ്രതിനിധീകരിച്ചപ്പോഴാണ് 2009-10 സാമ്പത്തികവര്‍ഷത്തില്‍ ജനകീയാസൂത്രണ പദ്ധതി പ്രകാരം ചന്ത കോണ്‍ക്രീറ്റ്് ചെയ്തതും ബോര്‍ഡ് സ്ഥാപിച്ചതും. ചന്തയുടെ പ്രവര്‍ത്തനം പുനരാരംഭിക്കണമെന്ന നാട്ടുകാരുടെ ആവശ്യം മാറിമാറി ഭരിച്ച എല്‍.ഡി.എഫ്, യു.ഡി.എഫ് ഭരണസമിതികള്‍ നടപ്പാക്കിയില്ല. ചന്ത പ്രവര്‍ത്തിപ്പിക്കുന്നതില്‍ ഇനിയും ബന്ധപ്പെട്ടവര്‍ കെടുകാര്യസ്ഥത കാട്ടുകയാണെങ്കില്‍ തദ്ദേശ തെരഞ്ഞൈടുപ്പില്‍ അതിന്‍െറ പ്രതിഫലനമുണ്ടാകുമെന്ന് നാട്ടുകാര്‍ ‘മാധ്യമ’ത്തോടു പറഞ്ഞു.
Show Full Article
TAGS:
Next Story