ശബരിമല: ഇതുവരെ ഹൃദയാഘാതം മൂലം മരിച്ചവര്‍ 19

ശബരിമല: ദര്‍ശനത്തിനായി മലകയറുന്നതിനിടെ ഹൃദയാഘാതം മൂലം മരണമടഞ്ഞവരുടെ എണ്ണം ഈ തീര്‍ഥാടനകാലത്ത് ഇതുവരെ 19 ആയി. ഇതില്‍ 15 പേര്‍ പമ്പയിലും നാലുപേര്‍ കോട്ടയം മെഡിക്കല്‍ കോളജ് ആശുപത്രിയിലുമാണ് മരിച്ചത്. കഴിഞ്ഞ ദിവസം മലകയറുന്നതിനിടെ അപ്പാച്ചിമേട്ടില്‍വെച്ച് തമിഴ്‌നാട് സ്വദേശി ഹൃദയാഘാതം മൂലം മരണമടഞ്ഞു. തമിഴ്‌നാട് ഗൂഡല്ലൂര്‍ സ്വദേശി വി. രാജേന്ദ്രനാണ് (61) മരണമടഞ്ഞത്. പമ്പ മുതല്‍ സന്നിധാനംവരെയുള്ള 15 എമര്‍ജന്‍സി മെഡിക്കല്‍ സെറ്ററുകളില്‍ വിവിധ അസുഖങ്ങളുമായി 30,157 കേസുകള്‍ റിപ്പോര്‍ട്ട് ചെയ്തു. ഇതില്‍ 414 എണ്ണം എമര്‍ജന്‍സി കേസുകളായിരുന്നുവെന്ന് ആരോഗ്യവകുപ്പ് അധികൃതര്‍ പറഞ്ഞു.