നഗരം വി​​ട്ടൊ​ഴി​യാ​തെ മാ​ലി​ന്യ​പ്ര​തി​സ​ന്ധി 

  • മ​ഴ​യെ​ത്തി​യ​തോ​ടെ പ​ക​ർ​ച്ച​വ്യാ​ധി ഭീ​ഷ​ണി​യും

11:03 AM
26/04/2019
ന​ഗ​ര​ത്തി​ൽ ജി​ല്ല ആ​ശു​പ​ത്രി​ക്ക്​ സ​മീ​പം സ്വ​കാ​ര്യ​വ്യ​ക്​​തി​യു​ടെ പ​റ​മ്പി​ൽ നി​ക്ഷേ​പി​ച്ച മാ​ലി​ന്യം

പാ​ല​ക്കാ​ട്: തെ​ര​​ഞ്ഞെ​ടു​പ്പി​​െൻറ തി​ര​ക്കു​ക​ൾ​ക്ക്​ ശ​മ​ന​മാ​യ​തോ​ടെ ന​ഗ​ര​ത്തി​ലെ മാ​ലി​ന്യ​പ്ര​ശ്​​നം വീ​ണ്ടും സ​ജീ​വ ച​ർ​ച്ച​യാ​വു​ക​യാ​ണ്. വേ​ന​ൽ​മ​ഴ​യെ​ത്തി​യ​തോ​ടെ പ​ക​ർ​ച്ച​വ്യാ​ധി ഭീ​തി​യി​ലാ​യ ന​ഗ​ര​സ​ഭ​യി​ൽ നോ​ട്ട​ക്ക്​ വോ​ട്ടു​ചെ​യ്​​ത്​ റ​സി​ഡ​ൻ​റ്​​സ്​ അ​സോ​സി​യേ​ഷ​നു​ക​ൾ പ്ര​തി​ഷേ​ധി​ച്ചി​രു​ന്നു. ഫെ​ബ്രു​വ​രി 19ന് ​ന​ഗ​ര​സ​ഭ​യു​ടെ മാ​ലി​ന്യ​സം​സ്​​ക​ര​ണ കേ​ന്ദ്ര​ത്തി​ൽ തീ​പി​ടി​ത്ത​മു​ണ്ടാ​യ​തി​നെ തു​ട​ർ​ന്ന് കേ​ന്ദ്രം സ്ഥി​തി ചെ​യ്യു​ന്ന കൊ​ടു​മ്പ്​​ പ​ഞ്ചാ​യ​ത്ത്​ ഇ​ട​ഞ്ഞ​തോ​ടെ ന​ഗ​ര​സ​ഭ​യി​ൽ വീ​ടു​ക​ളി​ൽ നി​ന്നു​ള്ള മാ​ലി​ന്യ നീ​ക്കം ക​ഴി​ഞ്ഞ 66 ദി​വ​സ​മാ​യി സ്​​തം​ഭി​ച്ച നി​ല​യി​ലാ​ണ്. തെ​ര​ഞ്ഞെ​ടു​പ്പി​ൽ ന​ഗ​ര​സ​ഭ​യി​ലെ മാ​ലി​ന്യ​പ്ര​ശ്​​നം മു​ഖ്യ ച​ർ​ച്ച​യാ​ക്കി​യ രാ​ഷ്​​ട്രീ​യ ക​ക്ഷി​ക​ൾ പ​ര​സ്​​പ​രം പ​ഴി​ചാ​രി ര​ക്ഷ​പ്പെ​ടു​ക​യാ​യി​രു​ന്നു​വെ​ന്നാ​ണ്​ പ്ര​ദേ​ശ​വാ​സി​ക​ളു​ടെ ആ​ക്ഷേ​പം.

അ​ടി​യ​ന്ത​ര​മാ​യി ച​ർ​ച്ച ചെ​യ്ത്​ പ​രി​​ഹ​രി​ക്കേ​ണ്ട വി​ഷ​യ​മാ​യി​രു​ന്നി​ട്ട്​ കൂ​ടി അ​തി​നു ശ്ര​മി​ക്കാ​തെ തെ​ര​ഞ്ഞെ​ടു​പ്പ്​ മു​ന്നി​ൽ ക​ണ്ട്​ രാ​ഷ്​​​ട്രീ​യ മു​ത​ലെ​ടു​പ്പ്​ ന​ട​ത്തു​ക​യാ​യി​രു​ന്നു ഭ​ര​ണ​പ്ര​തി​പ​ക്ഷ ക​ക്ഷി​ക​ളെ​ന്ന്​ ന​ഗ​ര​വാ​സി​യാ​യ കെ. ​മ​ധു പ​റ​യു​ന്നു. മാ​ലി​ന്യ നീ​ക്കം പ​ഴ​യ​പ​ടി​യാ​ക്കാ​ൻ ജി​ല്ല ഭ​ര​ണ​കൂ​ട​മ​ട​ക്കം ഇ​ട​പെ​ട്ടി​രു​ന്നു​വെ​ങ്കി​ലും ന​ഗ​ര​സ​ഭ​യും കൊ​ടു​മ്പ്​ ഗ്രാ​മ​പ​ഞ്ചാ​യ​ത്തും കൃ​ത്യ​മാ​യ നി​ല​പാ​ടു​ക​ളെ​ടു​ക്കാ​ൻ ത​യാ​റാ​യി​ല്ലെ​ന്നാ​ണ്​ വി​മ​ർ​ശ​നം. ഇ​തി​നി​ടെ ഡി​വി​ഷ​ൻ ത​ല​ത്തി​ൽ മാ​ലി​ന്യം​ വേ​ർ​തി​രി​ക്കാ​ൻ ന​ഗ​ര​സ​ഭ കൈ​ക്കൊ​ണ്ട ന​ട​പ​ടി​​ക​ളും ല​ക്ഷ്യം ക​ണ്ടി​ല്ലെ​ന്ന്​ മാ​ത്ര​മ​ല്ല നി​ര​ത്തി​ൽ നി​ന്ന്​ ശേ​ഖ​രി​ച്ച മാ​ലി​ന്യ​ങ്ങ​ൾ ന​ഗ​ര​സ​ഭ​ക്ക്​ സ​മീ​പം കു​ന്നു​കൂ​ടു​ക​യും ചെ​യ്​​തു. 

മാ​ലി​ന്യ​നീ​ക്ക​ത്തി​നാ​യി സ്വീ​ക​രി​ച്ച ന​ട​പ​ടി​ക​ളെ​ല്ലാം പ​രാ​ജ​യ​പ്പെ​ട്ട​തോ​ടെ നി​ര​ത്തു​ക​ളി​ല​ട​ക്കം വീ​ണ്ടും മാ​ലി​ന്യ​ക്കൂ​മ്പാ​ര​ങ്ങ​ൾ പ്ര​ത്യ​ക്ഷ​പ്പെ​ട്ട്​ തു​ട​ങ്ങി. ആ​ൾ​ത്താ​മ​സ​മി​ല്ലാ​ത്ത വീ​ടു​ക​ൾ മു​ത​ൽ ഒ​ഴി​ഞ്ഞ പ​റ​മ്പു​ക​ൾ വ​രെ മാ​ലി​ന്യം കു​ന്നു​കൂ​ടി​ക്കി​ട​ക്കു​ന്ന​ത്​ ഗു​രു​ത​ര​മാ​യ ആ​രോ​ഗ്യ​പ്ര​തി​സ​ന്ധി​ക്ക്​ കാ​ര​ണ​മാ​യേ​ക്കാ​മെ​ന്ന്​ വി​ദ​ഗ്​​ധ​ർ ചൂ​ണ്ടി​ക്കാ​ണി​ക്കു​ന്നു. വേ​ന​ൽ​മ​ഴ എ​ത്തി​യ​തോ​ടെ ചീ​ഞ്ഞു​നാ​റു​ന്ന മാ​ലി​ന്യ​ക്കൂ​ന​ക​ളും കൊ​തു​കും ന​ഗ​ര​ത്തെ​യും സ​മീ​പ​​പ്ര​ദേ​ശ​ങ്ങ​ളെ​യും പ​ക​ർ​ച്ച​വ്യാ​ധി ഭീ​ഷ​ണി​യി​ലാ​ഴ്​​ത്തു​ക​യാ​ണ്. പ്ര​തി​സ​ന്ധി ക​ണ​ക്കി​ലെ​ടു​ത്ത്​ 29ന് ​അ​ടി​യ​ന്ത​ര​ന​ട​പ​ടി​ക​ൾ ച​ർ​ച്ച ചെ​യ്യു​ന്ന​തി​നാ​യി​ പ്ര​ത്യേ​ക കൗ​ൺ​സി​ൽ യോ​ഗം വി​ളി​ച്ചു​​ചേ​ർ​ക്കു​മെ​ന്ന്​ ന​ഗ​ര​സ​ഭ ചെ​യ​ർ​പേ​ഴ്​​സ​ൺ പ്ര​മീ​ള ശ​ശി​ധ​ര​ൻ പ്ര​തി​ക​രി​ച്ചു. കൊ​ടു​മ്പ്​ ഗ്രാ​മ​പ​ഞ്ചാ​യ​ത്തു​മാ​യി ച​ർ​ച്ച ന​ട​ത്തി വി​ഷ​യം ര​മ്യ​ത​യി​ൽ പ​രി​ഹ​രി​ക്കാ​ൻ ക​ഴി​യു​മെ​ന്നാ​ണ്​ ക​രു​തു​ന്ന​തെ​ന്നും ചെ​യ​ർ​പേ​ഴ്​​സ​ൺ പ​റ​ഞ്ഞു. 

Loading...
COMMENTS