മോഷണ ഭീതി: െതാണ്ടി വാഹനങ്ങൾ തട്ടിൻപുറത്ത്
text_fieldsമലപ്പുറം: തൊണ്ടിമുതൽ മോഷണം പോകുമെന്ന പേടിയിൽ വാഹനങ്ങൾ രണ്ടാം നിലയിലേക്ക് വല ിച്ചുകയറ്റി എക്സൈസ് ഉദ്യോഗസ്ഥർ. മലപ്പുറം കോട്ടപ്പടിയിലെ എക്സൈസ് റേഞ്ച് ഒാഫിസ ിലാണ് ഇരുചക്ര വാഹനങ്ങൾ മുകളിലേക്ക് കയറ്റിയത്. താഴെ സൂക്ഷിക്കാൻ സൗകര്യമില്ലാത്തതിനാലാണ് മുകളിലേക്ക് കയറ്റേണ്ടിവന്നത്. 30ഓളം ബൈക്കുകളും സ്കൂട്ടറുകളുമാണ് ഓഫിസ് പ്രവർത്തിക്കുന്ന കെട്ടിടത്തിെൻറ രണ്ടാംനിലയിലെ വരാന്തയിൽ സൂക്ഷിക്കുന്നത്. കോട്ടപ്പടി തിരൂര് റോഡില് നഗരസഭ കെട്ടിടത്തിലെ രണ്ടാം നിലയിലാണ് ഓഫിസ്.
ഇവിടെനിന്ന് വളരെ ശ്രമകരമായാണ് വാഹനങ്ങൾ മുകളിലേക്ക് എക്സൈസ് ഓഫിസർമാർ കയറ്റിയത്. കോണിപ്പടിയിലൂടെ കയർ ഉപയോഗിച്ച് വലിച്ചാണ് മുകളിലെത്തിക്കുന്നത്. താഴെ ഭാഗത്ത് തൊണ്ടി വാഹനങ്ങള് സൂക്ഷിക്കാന് ഇടമില്ലാത്തതും മോഷണം പോകാന് സാധ്യത കൂടുതലുമായതോടെയാണ് മുകളിലേക്ക് മാറ്റിയത്.2005 മുതൽ 2019 വരെ പിടികൂടിയ വാഹനങ്ങൾ ഇതിലുൾപ്പെടും. കേസിെൻറ നടപടികൾ കോടതിയിൽ നടക്കുന്നതിനാലാണ് വാഹനങ്ങൾ ഓഫിസിന് മുൻവശം സൂക്ഷിച്ചിരിക്കുന്നത്. കുറച്ച് വാഹനങ്ങളുമായി ബന്ധപ്പെട്ട കേസ് അവസാനിക്കുകയും ഉടമകൾക്ക് വിട്ടുനൽകാനും അനുമതിയായിരുന്നു. തിരിച്ചുകൊണ്ടുപോകാൻ ഉടമകൾ തയാറാകാതെ വന്നതോടെ വരാന്തയിൽ തന്നെ സൂക്ഷിച്ചിരിക്കുകയാണ്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.