പാസ്പോർട്ട് സേവ കേന്ദ്രം: തിരൂരങ്ങാടി പോസ്റ്റ് ഓഫിസ് പരിഗണനയിൽ
text_fieldsതിരൂരങ്ങാടി: പാസ്പോർട്ട് സേവ കേന്ദ്രമായി തിരൂരങ്ങാടി പോസ്റ്റ് ഓഫിസ് പരിഗണനയിൽ. എല്ലാ ലോക്സഭ മണ്ഡലങ്ങളിലും പാസ്പോർട്ട് സേവ കേന്ദ്രം ആരംഭിക്കുന്നതിെൻറ ഭാഗമായാണ് പൊന്നാനിയിലേത് തിരൂരങ്ങാടി സബ് പോസ്റ്റ് ഓഫിസിൽ സ്ഥാപിക്കുക. ഇതിന് മുന്നോടിയായി തിരൂരങ്ങാടി പോസ്റ്റ് ഓഫിസ് തപാൽ വകുപ്പ് ഉദ്യോഗസ്ഥർ സന്ദർശിച്ചിരുന്നു. ചെമ്മാട് ടൗണിൽ താലൂക്ക് ഓഫിസിന് സമീപമാണ് പോസ്റ്റ് ഓഫിസ് പ്രവർത്തിക്കുന്നത്. തപാൽ വകുപ്പിെൻറ സ്വന്തം സ്ഥലവും കെട്ടിടവുമാണിത്.
ഇപ്പോൾ പോസ്റ്റ് ഓഫിസ് പ്രവർത്തിക്കുന്ന ഭാഗം കുറച്ചുകൂടി മുന്നിലേക്ക് നീട്ടി പിറകുവശത്താകും സേവ കേന്ദ്രത്തിന് സൗകര്യമൊരുക്കുക. ഓഫിസുകൾ പരസ്പര ബന്ധമില്ലാത്ത വിധം വേർതിരിക്കും. സംസ്ഥാനത്ത് കാസർകോട്ടും പത്തനംതിട്ടയിലും മാത്രമാണ് ഇപ്പോൾ തപാൽ വകുപ്പിെൻറ പാസ്പോർട്ട് സേവ കേന്ദ്രം ഉള്ളത്. പാലക്കാട് ജില്ലയിലും പരിഗണനയിലുണ്ട്. പാസ്പോർട്ട് സേവ കേന്ദ്രത്തിൽനിന്ന് ലഭിക്കുന്ന സേവനങ്ങളെല്ലാം തപാൽ വകുപ്പിെൻറ സേവ കേന്ദ്രത്തിൽ ലഭിക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.