Begin typing your search above and press return to search.
exit_to_app
exit_to_app
Posted On
date_range 18 Nov 2018 5:00 AM GMT Updated On
date_range 18 Nov 2018 5:00 AM GMTഹർത്താൽ ദിനത്തിൽ അയ്യപ്പഭക്തർക്ക് അന്നദാനമൊരുക്കി ഡി.വൈ.എഫ്.ഐ
text_fieldsbookmark_border
കോട്ടക്കൽ: ശരണമന്ത്രങ്ങളുമായെത്തിയ അയ്യപ്പഭക്തർ അവിയലും തോരനും അച്ചാറുമെല്ലാം കൂട്ടി വിഭവസമൃദ്ധമായ സദ്യയുണ്ടു. അപ്രതീക്ഷിതമായെത്തിയ ഹർത്താലിൽ ഭക്ഷണം കിട്ടാതെ വലഞ്ഞ ഭക്തർക്ക് അന്നദാനമൊരുക്കിയത് കോട്ടക്കൽ മേഖല ഡി.വൈ.എഫ്.ഐ പ്രവർത്തകർ. ദർശനം കഴിഞ്ഞ് വരുന്നവരും പോകുന്നവരും ദീർഘദൂര യാത്രക്കാരുമായ 150ഓളം പേർക്കാണ് സദ്യ ഉപകാരമായത്. ദീർഘദൂര യാത്രക്കാരായ കുടുംബങ്ങളും പങ്കെടുത്തു. ദർശനം കഴിഞ്ഞിറങ്ങിയ ശേഷമാണ് ഹർത്താൽ അറിഞ്ഞതെന്നും ഭക്ഷണത്തിനായി ഏറെ വലഞ്ഞെന്നും ചിക്മംഗ്ളൂരിൽ നിന്നെത്തിയ ഭക്തർ പറഞ്ഞു. െറസ്റ്റ് ഹൗസ് പരിസരത്താണ് സദ്യ ഒരുക്കിയത്. ഡി.വൈ.എഫ്.ഐ ബ്ലോക്ക് സെക്രട്ടറി ടി.പി. ഷമീം, പ്രസിഡൻറ് കെ. സുബ്രഹ്മണ്യൻ, ശ്രീജിത്ത് കുട്ടശ്ശേരി, ജബ്ബാർ മൂച്ചിക്കാടൻ, സഫ്ദർരാജ് എന്നിവർ നേതൃത്വം നൽകി. നഗരസഭ പ്രതിപക്ഷ നേതാവ് ടി.പി. സുബൈർ, കൗൺസിലർ അബ്ദുറഹീം എന്ന നാണി എന്നിവരും പങ്കാളികളായി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story