സ്കൂൾ വാർഷികവും അനുമോദനവും

അരീക്കോട്: തച്ചണ്ണ ഗവ. എൽ.പി സ്കൂളി​െൻറ 61ാം വാർഷികവും മികച്ച പി.ടി.എക്കുള്ള അനുമോദന ചടങ്ങും സ്കൂളിൽ നടന്നു. അയൽപ്രദേശങ്ങളിലെ അംഗൻവാടി കുട്ടികളുടെ കലാപരിപാടികളും സ്കൂൾ കുട്ടികളുടെ വൈവിധ്യമാർന്ന കലാവിരുന്നും അരങ്ങേറി. വാർഷികാഘോഷം ഊർങ്ങാട്ടിരി ഗ്രാമ പഞ്ചായത്ത് പ്രസിഡൻറ് എൻ.കെ. ഷൗക്കത്തലി ഉദ്ഘാടനം ചെയ്തു. മികച്ച പി.ടി.എക്കുള്ള അവാർഡ് പഞ്ചായത്ത് പ്രസിഡൻറിൽനിന്ന് പി.ടി.എ പ്രസിഡൻറും അംഗങ്ങളും ചേർന്ന് സ്വീകരിച്ചു. ഗ്രാമപഞ്ചായത്തംഗം എ. കുഞ്ഞൻ അധ്യക്ഷത വഹിച്ചു. യു. ഹനീഫ, ഹക്കീം, മധു എന്നിവർ സംസാരിച്ചു. ഖദീജ ടീച്ചർ സ്വാഗതവും അബ്ദുറഹ്മാൻ മാസ്റ്റർ നന്ദിയും പറഞ്ഞു.