Begin typing your search above and press return to search.
exit_to_app
exit_to_app
Posted On
date_range 25 March 2018 5:20 AM GMT Updated On
date_range 25 March 2018 5:20 AM GMTനെല്ലായ പഞ്ചായത്ത് പ്രതിപക്ഷ പ്രമേയം; സി.പി.എം മുൻ പ്രസിഡൻറിനോട് വിശദീകരണം തേടി
text_fieldsbookmark_border
ചെര്പ്പുളശ്ശേരി: നെല്ലായ ഗ്രാമപഞ്ചായത്ത് സെക്രട്ടറിയെ നീക്കണമെന്ന് പഞ്ചായത്ത് ഡയറക്ടറോട് ആവശ്യപ്പെട്ട് പ്രതിപക്ഷ പ്രമേയം പാസായ വിഷയത്തിൽ മുൻ പ്രസിഡൻറും സി.പി.എം ലോക്കൽ കമ്മിറ്റി അംഗവുമായ എൻ. ജനാർദനനോട് വിശദീകരണം നൽകാൻ ശനിയാഴ്ച കൂടിയ സി.പി.എം ലോക്കൽ കമ്മിറ്റി യോഗം തീരുമാനിച്ചു. യോഗത്തിൽ ജനാർദനൻ പങ്കെടുത്തില്ല. തിങ്കളാഴ്ച അഞ്ചിന് മുമ്പ് വിശദീകരണം നൽകാനാണ് ആവശ്യപ്പെട്ടിട്ടുള്ളത്. വെള്ളിയാഴ്ച ചേർന്ന ബജറ്റ് ബോർഡ് യോഗത്തിൽ ജനാർദനൻ പങ്കെടുത്തിരുന്നുവെങ്കിലും ഉച്ചക്കുശേഷം പ്രതിപക്ഷ അംഗങ്ങൾ കൊണ്ടുവന്ന സെക്രട്ടറി പത്മജ തോമസിനെ തസ്തികയിൽനിന്ന് മാറ്റണമെന്ന പ്രമേയ ചർച്ച യോഗത്തിൽനിന്ന് ജനാർദനൻ വിട്ടുനിന്നിരുന്നു. പ്രമേയം പാസായത് സി.പി.എം നേതൃത്വം നൽകുന്ന ഭരണമുന്നണിയെ പ്രതിസന്ധിയാക്കി. ഇതാണ് വിശദീകരണം ചോദിക്കാൻ ഇടയാക്കിയത്. തൃപ്തികരമെല്ലങ്കിൽ ബ്രാഞ്ചിലേക്ക് തരംതാഴ്ത്തലോ സസ്പെൻഷനോ ആണ് നടപടി. പ്രമേയത്തിന് അനുകൂലമായി വോട്ട് ചെയ്ത ഒന്നാം വാർഡ് അംഗം സി.പി.എം സ്വതന്ത്രയോട് രാജിവെക്കാനും ആവശ്യപ്പെട്ടിട്ടുണ്ട്. ഏരിയ സെക്രട്ടറിയുടെ സാന്നിധ്യത്തിൽ ചേർന്ന യോഗത്തിൽ ഭരണമല്ല അച്ചടക്കമാണ് പ്രധാന ഘടകമെന്ന് സെക്രട്ടറി അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story