Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightMalappuramchevron_rightകോടികൾ ചെലവഴിച്ച്...

കോടികൾ ചെലവഴിച്ച് നിർമിച്ച ചെക്ക്ഡാമുകൾ വറ്റി വരണ്ടു

text_fields
bookmark_border
നിലമ്പൂർ: കാർഷിക മേഖലയിൽ ജലസേചനം ഉറപ്പുവരുത്താനും കുടിവെള്ള ലഭ്യത ഉറപ്പാക്കാനുമായി ചാലിയാർ ഗ്രാമപഞ്ചായത്തിലെ വിവിധ പ്രദേശങ്ങളിൽ നിർമിച്ച ചെക്കുഡാമുകൾ വറ്റിവരണ്ടു. കഴിഞ്ഞ പഞ്ചായത്ത് ഭരണസമിതിയുടെ കാലത്താണ് ഹാഡ പദ്ധതിയിൽ ഉൾപ്പെടുത്തി രണ്ട് കോടിയോളം രൂപ ചെലവഴിച്ച് പഞ്ചായത്തിലെ മൂേലപ്പാടം, അകംമ്പാടം, പെരുമ്പത്തൂർ തുടങ്ങിയ സ്ഥലങ്ങളിലെ തോടുകളിൽ ചെക്കുഡാമുകൾ നിർമിച്ചത്. അശാസ്ത്രീയമായാണ് ചെക്കുഡാമുകളുടെ നിർമാണമെന്ന് അന്നേ ആരോപണം ഉയർന്നിരുന്നു. വേനൽ ആരംഭത്തിൽ തന്നെ വറ്റിവരളുന്ന തോടുകളിൽ ചെക്ക് ഡാമുകൾ നിർമിക്കുന്നത് പ്രയോജനപ്രദമാവില്ലെന്നായിരുന്ന ആക്ഷേപം. 30 ലക്ഷം രൂപ ചെലവഴിച്ച് നിർമിച്ച പെരുമ്പത്തൂരിലെ ചെക്ക്ഡാം ജനുവരിയുടെ തുടക്കത്തിൽ തന്നെ വറ്റിവരണ്ടു. ചെക്ക്ഡാമിലെ വെള്ളം പ്രതീക്ഷിച്ച് കൃഷിയിറക്കിയ കർഷകർ വെട്ടിലായി. ജലസേചനം സാധ‍്യമാവാതെ വിളകൾ കരിഞ്ഞുണങ്ങുന്നത് കണ്ണീരോടെ നോക്കിനിൽക്കുകയാണ് കർഷകർ.
Show Full Article
TAGS:LOCAL NEWS 
Next Story