Begin typing your search above and press return to search.
exit_to_app
exit_to_app
Posted On
date_range 24 March 2018 5:05 AM GMT Updated On
date_range 24 March 2018 5:05 AM GMTപൊന്നാനി നഗരസഭ വാർഷിക പദ്ധതിക്കും ബജറ്റിനും അംഗീകാരം
text_fieldsbookmark_border
പൊന്നാനി: നഗരസഭയുടെ 2018-19 വാർഷിക പദ്ധതിക്കും ബജറ്റിനും അംഗീകാരമായി. സാമ്പ്രദായിക വ്യവസ്ഥയിൽനിന്ന് വ്യത്യസ്തമായി വാർഷിക പദ്ധതികൾതന്നെ ബജറ്റിൽ ഉൾപ്പെടുത്തിയ നഗരസഭക്ക് ഒരേ ദിവസംതന്നെ ബജറ്റിനും വാർഷിക പദ്ധതിക്കും അംഗീകാരം ലഭിച്ചത് വലിയ നേട്ടമായാണ് വിലയിരുത്തൽ. മലപ്പുറത്ത് ചേർന്ന ജില്ല ആസൂത്രണ സമിതിയിലാണ് അംഗീകാരം ലഭിച്ചത്. 25,92,56,475 രൂപ അടങ്കൽ വകയിരുത്തിയതാണ് വാർഷിക പദ്ധതി. 270 പദ്ധതികൾക്കാണ് അംഗീകാരം ലഭിച്ചത്. ജില്ലയിൽ ഡി.പി.സി അംഗീകാരം നേടുന്ന രണ്ടാമത്തെ നഗരസഭയാണ് പൊന്നാനി. കൗൺസിൽ ഹാളിൽ നടന്ന ബജറ്റ് അവലോകനത്തിൽ വിശദമായ ചർച്ചക്ക് ശേഷം ബജറ്റ് ഐകകണ്ഠ്യേന അംഗീകരിച്ചു. നഗരസഭ ചെയർമാൻ സി.പി. മുഹമ്മദ് കുഞ്ഞി അധ്യക്ഷനായ യോഗത്തിൽ സ്റ്റാൻഡിങ് കമ്മിറ്റി ചെയർപേഴ്സന്മാരായ ഒ.ഒ. ഷംസു, ടി. മുഹമ്മദ് ബഷീർ, അഷ്റഫ് പറമ്പിൽ, റീന പ്രകാശ്, ഷീന സുദേശൻ, കൗൺസിലർമാരായ എം.പി. അബ്ദുനിസാർ, ഉണ്ണികൃഷ്ണൻ പൊന്നാനി, എ.കെ. ജബ്ബാർ, വി.വി. സുഹറ, സേതുമാധവൻ, ചന്ദ്രവല്ലി എന്നിവർ പങ്കെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story