യുവതിയുടെയും കുട്ടിയുടെയും ആഭരണങ്ങള്‍ കവര്‍ന്നു

പുത്തനത്താണി: കുറുമ്പത്തൂരിലെ വീട്ടില്‍ പട്ടാപ്പകല്‍ യുവതിയുടെയും കുട്ടിയുടെയും സ്വര്‍ണാഭരണങ്ങള്‍ മുഖംമൂടി ധരിച്ചെത്തിയ അജ്ഞാതന്‍ കവര്‍ന്നു. 16 പവനോളം ആഭരണങ്ങളാണ്‌ നഷ്ടപെട്ടത്‌. കുറുമ്പത്തൂര്‍ എ.കെ.കെ നഗറിലെ കല്ലിടുമ്പില്‍ നൗഷാദി​െൻറ ഭാര്യ ഫാത്തിമ ഫര്‍ഹാനയുടെയും പത്തുമാസം പ്രായമായ കൈക്കുഞ്ഞി​െൻറയും ആഭരണങ്ങളാണ്‌ കവര്‍ച്ച നടത്തിയത്‌. തിങ്കളാഴ്ച്ച ഉച്ചക്കാണ് സംഭവം. മുഖംമൂടി ധരിച്ച അജ്ഞാതന്‍ ഫര്‍ഹാനയുടെ വായും മൂക്കും പൊത്തിപിടിക്കുകയും അബോധാവസ്ഥയിലായി വീണ യുവതിയുടെ കഴുത്തിലും കാലിലും കൈയിലും അണിഞ്ഞ സ്വര്‍ണാഭരണങ്ങളും കുഞ്ഞി​െൻറ ശരീരത്തിലണിഞ്ഞ ആഭരണങ്ങളുമാണ്‌ കവര്‍ന്നത്‌. വളാഞ്ചേരി പൊലീസ്‌ കേസെടുത്ത്‌ അന്വേഷണം ആരംഭിച്ചു.