ലഹരിക്കെതിരെ പൂർവ വിദ്യാർഥി കൂട്ടായ്മ

തിരൂരങ്ങാടി: 'ലഹരിക്കെതിരെ തിരിച്ചറിവ്' പദ്ധതിയുടെ രണ്ടാംഘട്ട പരിപാടിയുടെ ഭാഗമായി വെളിമുക്ക് വി.ജെ പള്ളി എ.എം.യു.പി സ്കൂൾ പൂർവ വിദ്യാർഥി കൂട്ടായ്മ സ്‌ക്വാഡ് സംഘടിപ്പിച്ചു. വെളിമുക്ക്, പാലക്കൽ പ്രദേശങ്ങളിലെ കടകളിൽ ലഹരി ഉൽപന്നങ്ങളുടെ വിപണനത്തിന് നിയന്ത്രണം ഏർപ്പെടുത്തി ക്രമേണ പ്രദേശത്തെ ലഹരിമുക്തമാക്കാൻ സഹകരിക്കണമെന്ന് കച്ചവടക്കാരെ ഉണർത്തി. എം.എ. ഖാദർ, അഡ്വ. സി.പി. മുസ്തഫ, പഞ്ചായത്ത്‌ അംഗം എം. അലി മാസ്റ്റർ, എം. അബ്ദുൽ മജീദ് മാസ്റ്റർ, സി. മുനീർ മാസ്റ്റർ, പി. അബ്ദുൽകലാം, ഡോ. സി.പി. മുനീർ, അസീസ് മാസ്റ്റർ, സി.പി. യൂനുസ് മാസ്റ്റർ, ഡോ. സ്റ്റാലിൻദാസ് എന്നിവർ നേതൃത്വം നൽകി.