'ദേശീയപാത വികസനം 30 മീറ്ററിൽ പരിമിതപ്പെടുത്തണം'

തിരൂരങ്ങാടി: ദേശീയപാതക്ക് ഭൂമി ഏറ്റെടുക്കുന്നത് 30 മീറ്ററിൽ പരിമിതപ്പെടുത്തണമെന്ന് വെൽഫെയർ പാർട്ടി തിരൂരങ്ങാടി മണ്ഡലം കമ്മിറ്റി ആവശ്യപ്പെട്ടു. വീടും കച്ചവടസ്ഥാപനങ്ങളും നഷ്ടപ്പെടുന്നവർക്ക് വിപണിവിലയും പുനരധിവാസവും സ്ഥലമേറ്റെടുക്കുന്നതിനു മുമ്പുതന്നെ ഉറപ്പാക്കണമെന്നും ബി.ഒ.ടി ഇല്ലാത്ത ദേശീയപാത നിർമിക്കണമെന്നും ആവശ്യപ്പെട്ടു. കാടേരി സെയ്തലവി അധ്യക്ഷത വഹിച്ചു. റീന സോനു, ഫാത്തിമ റഹീം എന്നിവർ സംസാരിച്ചു. ഹംസ വെന്നിയൂർ സ്വാഗതവും കോയ പാലേരി നന്ദിയും പറഞ്ഞു.