Begin typing your search above and press return to search.
exit_to_app
exit_to_app
Posted On
date_range 14 March 2018 5:27 AM GMT Updated On
date_range 14 March 2018 5:27 AM GMTകുടിവെള്ള ക്ഷാമം; സി.പി.എം^ഡി.വൈ.എഫ്.ഐ പ്രവര്ത്തകര് വാട്ടര് അതോറിറ്റി ഓഫിസ് ഉപരോധിച്ചു
text_fieldsbookmark_border
കുടിവെള്ള ക്ഷാമം; സി.പി.എം-ഡി.വൈ.എഫ്.ഐ പ്രവര്ത്തകര് വാട്ടര് അതോറിറ്റി ഓഫിസ് ഉപരോധിച്ചു ചെര്പ്പുളശ്ശേരി: കുടിവെള്ളം ലഭ്യമാക്കണമെന്നാവശ്യപ്പെട്ട് സി.പി.എം- ഡി.വൈ.എഫ്.ഐ പ്രവര്ത്തകര് വാട്ടര് അതോറിറ്റി ഓഫിസ് ഉപരോധിച്ചു. ചെര്പ്പുളശ്ശേരി നഗരസഭയിലെ പന്നിയംകുര്ശ്ശി, ചെന്ത്രത്തുപറമ്പ് തുടങ്ങിയ പ്രദേശങ്ങളില് കുടിവെള്ളം ലഭ്യമായിട്ട് ഒരു മാസത്തോളമായി. ഉയര്ന്ന പ്രദേശങ്ങളായ ഇവിടേക്ക് കുടിവെള്ളം ലഭ്യമാക്കാനുള്ള ക്രമീകരണങ്ങള് ഒരുക്കണമെന്നാവശ്യപ്പെട്ടാണ് ഓഫിസ് ഉപരോധിച്ചത്. ഈ പ്രദേശങ്ങളില് കുടിവെള്ളം ലഭ്യമാക്കാന് നഗരസഭ ഒരു ഇടപെടലും നടത്തുന്നില്ലെന്നും പ്രവര്ത്തകര് അറിയിച്ചു. വാട്ടര് അതോറിറ്റി എ.എക്സ്.ഇ സ്ഥലത്തെത്തി സമരക്കാരുമായി സംസാരിച്ചു. ബുധനാഴ്ച രാവിലെക്കുള്ളില് പ്രശ്നം പരിഹരിക്കാൻ ക്രമീകരണം നടത്തുമെന്ന് ഉറപ്പ് നല്കിയതിെൻറ അടിസ്ഥാനത്തില് സമരം അവസാനിപ്പിക്കുകയായിരുന്നു. വി. വിനോദ്, സി. അനന്തനാരായണന്, കെ. രാജീവ്, ടി. അജീഷ്, കബീര്, ശ്രീജിത്ത്, ടി.കെ. സലാം എന്നിവര് നേതൃത്വം നല്കി. തുടര്ന്നും കുടിവെള്ളം ലഭ്യമായില്ലെങ്കില് ശക്തമായ സമരം സംഘടിപ്പിക്കുമെന്ന് സി.പി.എം-ഡി.വൈ.എഫ്.ഐ നേതാക്കള് അറിയിച്ചു. ചെര്പ്പുളശ്ശേരി എസ്.ഐ ജമാലുദ്ദീെൻറ നേതൃത്വത്തിലുള്ള പൊലീസ് സ്ഥലത്തെത്തിയിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story