ഹർത്താൽ പ്രചാരണം: നിയമനടപടികൾക്ക്​ സാക്ഷിയായി രക്ഷിതാക്കളും

മഞ്ചേരി: ഹർത്താൽ പ്രചാരണത്തി‍​െൻറ മുഖ്യ സൂത്രധാരൻമാരെ മഞ്ചേരി പൊലീസ് സ്റ്റേഷനിൽ നിന്ന് ശനിയാഴ്ച വൈകീട്ട് മേഞ്ചരി കോടതിയിലേക്ക് കൊണ്ടുപോയപ്പോൾ സാക്ഷിയായി മാതാപിതാക്കളും. പിടിയിലായവരിൽ ചിലർ പൊലീസ് വാനിൽ കയറിയ ശേഷം മാധ്യമപ്രവർത്തകരോട് സംസാരിക്കാനും ശ്രമം നടത്തി. 'നാടിനും സമൂഹത്തിനും വേണ്ടി ഒന്നും െചയ്യരുതെന്നും വീട്ടുകാര്യം മാത്രം നോക്കി കഴിയുന്നതാണ് നല്ലതെന്നു'മായിരുന്നു പ്രതികരണം. ഇതുകേട്ട രക്ഷിതാക്കളിൽ ചിലർ കണ്ണുനിറച്ചു. പേടിക്കേണ്ടെന്ന് ചിലർ മക്കൾക്ക് ധൈര്യം നൽകുന്നതും കാണാമായിരുന്നു.