മരം വീണ് പഞ്ചായത്ത് വികസന സ്​റ്റാൻഡിങ് കമ്മിറ്റി ചെയർമാനും ഭാര്യക്കും പരിക്ക്

കൊടുവായൂർ: മരം വീണ് കൊടുവായൂർ പഞ്ചായത്ത് വികസന സ്റ്റാൻഡിങ് കമ്മിറ്റി ചെയർമാൻ എ. സുനിലിനും ഭാര്യ ബിന്ദുവിനും പരിക്കേറ്റു. വെള്ളിയാഴ്ച വൈകീട്ടുണ്ടായ കാറ്റിലും മഴയിലുമാണ് തൊട്ടെക്കാട്ടുതറയിൽവെച്ച് വേപ്പ് മരത്തി‍​െൻറ വലിയ കൊമ്പ് ഇരുവരുടെയും മുകളിൽ വീണത്. പഞ്ചായത്തിലെ എൻ.ആർ.ഇ.ജി എൻജിനീയർ കൂടിയായ ബിന്ദുവിനോടൊപ്പം കൊടുവായൂർ പഞ്ചായത്തിൽ നിന്ന് ബൈക്കിൽ വീട്ടിലേക്ക് പോകുമ്പോഴാണ് അപകടം. നാട്ടുകാരെത്തി ബൈക്കിനടിയിൽ കുടുങ്ങിയ ഇരുവരെയും രക്ഷിച്ച് പാലക്കാട് സ്വകാര്യ ആശുപത്രിയിൽ എത്തിച്ചു. ഇരുവർക്കും തലക്കാണ് പരിക്ക്.