വാഴേങ്ങൽ കുടിവെള്ള പദ്ധതി രണ്ടാം ഘട്ടം സമർപ്പിച്ചു

പടപ്പറമ്പ്: കുറുവ ഗ്രാമ പഞ്ചായത്തിലെ വാഴേങ്ങൽ കുടിവെള്ള പദ്ധതിയുടെ രണ്ടാം ഘട്ടം പഞ്ചായത്ത്‌ പ്രസിഡൻറ് മുല്ലപ്പള്ളി യുസുഫ് ഉദ്ഘാടനം ചെയ്തു. വൈസ് പ്രസിഡൻറ് നസീറ മോൾ പാലപ്ര അധ്യക്ഷത വഹിച്ചു. ബ്ലോക്ക്‌ പഞ്ചായത്തംഗം പൂഴിത്തറ ശിഹാബ്, പി.കെ. മുഹമ്മദ്‌ ബഷീർ, ഉമ്മർ മാസ്റ്റർ, ഹക്കീം പൂഴിത്തറ, സെയ്താലിക്കുട്ടി തൈരനിൽ, സൈതലവി മാമ്പറ്റക്കുഴി എന്നിവർ സംസാരിച്ചു. കുറുവ പഞ്ചായത്തി​െൻറ 2017-18 വാർഷിക പദ്ധതിയിൽ ഉൾപ്പെടുത്തി നിർവഹണം നടത്തുന്ന പദ്ധതി വഴി 52 കുടുംബങ്ങളുടെ കുടിവെള്ള ക്ഷാമത്തിന് പരിഹാരമാകും.