അധ്യാപക നിയമന നടപടികൾ വേഗത്തിലാക്കണം ^യു.പി.എസ്.എ റാങ്ക് ഹോൾഡേഴ്സ് ഫോറം

അധ്യാപക നിയമന നടപടികൾ വേഗത്തിലാക്കണം -യു.പി.എസ്.എ റാങ്ക് ഹോൾഡേഴ്സ് ഫോറം തിരൂരങ്ങാടി: ജില്ലയിലെ യു.പി.എസ്.എ അധ്യാപക തസ്തികകളിലേക്ക് നിയമന നടപടികൾ വേഗത്തിലാക്കണമെന്ന് മലപ്പുറം ജില്ല യു.പി.എസ്.എ റാങ്ക് ഹോൾഡേഴ്സ് രൂപവത്കരണ യോഗം ആവശ്യപ്പെട്ടു. ജൂൺ മാസത്തോടെ നിയമനം നടക്കത്തക്ക വിധം സർട്ടിഫിക്കറ്റ് വെരിഫിക്കേഷൻ, അഭിമുഖം എന്നിവ പൂർത്തിയാക്കണം. ജൂൺ മാസത്തോടെ ജില്ലയിൽ മുന്നൂറോളം ഒഴിവുകളുണ്ടാകും. പ്രകടനപത്രികയിൽ വാഗ്ദാനം ചെയ്തിട്ടും പങ്കാളിത്ത പെൻഷൻ ഇതുവരെ പിൻവലിക്കാത്തതിൽ യോഗം പ്രതിഷേധിച്ചു. സ്റ്റാറ്റ്യൂട്ടറി പെൻഷൻ പദ്ധതി പുനഃസ്ഥാപിക്കണമെന്നും ആവശ്യപ്പെട്ടു. അടുത്ത േമയിൽ ഫോറത്തി​െൻറ വിപുലയോഗം ചേരാനും തീരുമാനിച്ചു. ഫോൺ: 8086381755. ഭാരവാഹികൾ: കെ. മോഹനൻ (പ്രസി.), സി. നബീല (സെക്ര.), സി. മണികണ്ഠൻ (ട്രഷ.).