മരം മുട്ടിക്ക് തീപ്പിടിച്ചത് പരിഭ്രാന്തി പരത്തി

തിരൂർ: പൊറ്റത്തെപ്പടിയിൽ മരം മുട്ടിക്ക് തീപ്പിടിച്ചത് പരിസരത്ത് പരിഭ്രാന്തി പരത്തി. ബസ് കാത്തിരിപ്പ് കേന്ദ്രത്തിനു സമീപം വർഷങ്ങൾക്കുമുമ്പ് വീണ മരത്തി​െൻറ മാറ്റാതെയിട്ടിരുന്ന ജീർണിച്ച മുട്ടിക്കാണ് തീപ്പിടിച്ചത്. പാഴ്വസ്തുക്കൾക്ക് തീയിട്ടപ്പോൾ അബദ്ധത്തിൽ കത്തിയതാണെന്ന് സംശയിക്കുന്നു. തിരൂരിൽനിന്ന് ഫയർഫോഴ്‌സെത്തിയാണ് തീയണച്ചത്. സമീപത്തെല്ലാം വീടുകളുള്ള സ്ഥലമാണിത്.