Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightMalappuramchevron_rightഒരിറ്റ്​ ദാഹജലം മതി...

ഒരിറ്റ്​ ദാഹജലം മതി ഒരുകുടം വയറുനിറക്കാൻ; ആരുണ്ട്​ ഇൗ പൈപ്പുകൾ അറ്റകുറ്റപ്പണി നടത്താൻ​?

text_fields
bookmark_border
പുലാമന്തോൾ: വേനൽ കടുത്തതോടെ ജീവജാലങ്ങൾ ദാഹജലത്തിന് നെട്ടോട്ടമോടുമ്പോഴും പുലാമന്തോളിൽ പൊതുനിരത്തിൽ കുടിവെള്ളം പാഴാവുന്നു. കൊളത്തൂർ-പുലാമന്തോൾ റൂട്ടിലെ താവുള്ളി പാലത്തിലാണ് പൈപ്പുകൾ തകർന്ന് കുടിവെള്ളം പാഴാവുന്നത്. വർഷങ്ങൾക്ക് മുമ്പ് സ്ഥാപിച്ച പൈപ്പ് ലൈനാണ് തുരുമ്പെടുത്ത് തകർന്നത്. കുടിവെള്ളം പാഴാവാൻ തുടങ്ങിയതോടെ ഈ പദ്ധതി ലൈനിൽനിന്ന് കണക്ഷനെടുത്ത ഉപഭോക്താക്കൾക്ക് മാസങ്ങളായി ആവശ്യത്തിന് വെള്ളം ലഭിക്കുന്നില്ലെന്ന പരാതിയുമുണ്ട്. കുടിവെള്ളത്തിന് പുതിയ പദ്ധതികൾ നടപ്പിലാക്കുമ്പോഴും തുരുമ്പെടുത്ത് തകരുന്ന പഴയ പദ്ധതി ലൈനുകൾ യഥാസമയം ആറ്റകുറ്റപ്പണി നടത്തുന്നതിന് അധികൃതർ ശ്രദ്ധിക്കാറില്ല. ഇതി​െൻറ നേർസാക്ഷ്യമാണ് താവുള്ളി പാലത്തിലെ കുടിവെള്ളം പാഴാവൽ. ദിവസങ്ങളായി പമ്പിങ് സമയങ്ങളിൽ തകർന്ന പൈപ്പിൽനിന്ന് പാലത്തിൽ വെള്ളം കെട്ടിനിൽക്കുന്നത് ഈ റൂട്ടിലെ വാഹന-കാൽനട യാത്രക്കാരെ ബുദ്ധിമുട്ടാക്കുന്നുണ്ട്. പുലാമന്തോൾ ഗ്രാമപഞ്ചായത്തിൽ ഏറ്റവും കൂടുതൽ ഉപഭോക്താക്കൾ ആശ്രയിക്കുന്ന ഈ ലൈനിൽനിന്ന് ആവശ്യാനുസരണം വെള്ളം ലഭിക്കുന്നില്ലെന്ന് വേനലാരംഭം തൊേട്ട പരാതിയുണ്ട്. കുരുവമ്പലം തിരുത്ത്, നീലുകാവിൽ, കുളമ്പ് തൊട്ട്, ചെമ്മലശ്ശേരി, പാലൂർ എന്നിവിടങ്ങളിൽ പല ഭാഗത്തും ഇപ്പോഴും ഭാഗികമായി മാത്രമാണ് കുടിവെള്ളമെത്തുന്നത്.
Show Full Article
TAGS:LOCAL NEWS 
Next Story