Begin typing your search above and press return to search.
exit_to_app
exit_to_app
Posted On
date_range 3 April 2018 5:05 AM GMT Updated On
date_range 3 April 2018 5:05 AM GMTഅലൈൻമെൻറ് മാറ്റത്തിന് തടസ്സങ്ങളേറെ; 3 എ വിജ്ഞാപനം വീണ്ടും ഇറക്കേണ്ടിവരും
text_fieldsbookmark_border
കുറ്റിപ്പുറം: ദേശീയപാത വികസനത്തിൽ അലൈൻമെൻറ് മാറ്റം അനിവാര്യമാണെന്ന് തദ്ദേശഭരണസ്ഥാപനങ്ങളിലെ അധ്യക്ഷൻമാരടങ്ങുന്ന സമിതി ആവശ്യപ്പെട്ടതോടെ തിരൂർ താലൂക്കിലെ 3 എ വിജ്ഞാപനം വീണ്ടും ഇറക്കേണ്ടിവരും. അരീത്തോട്, കൊളപ്പുറം, കുറ്റിപ്പുറം എന്നിവിടങ്ങളിലാണ് അലൈൻമെൻറ് മാറ്റത്തിനായി ആവശ്യം ശക്തമായത്. അലൈൻമെൻറ് മാറ്റം വരുന്നതോടെ പുതിയ സർവേയിൽ ഉൾപ്പെടുന്ന നമ്പറുകൾ സഹിതം ദേശീയപാത അതോറിറ്റിയുടെ കേന്ദ്ര ആസ്ഥാനത്ത് നിന്ന് പുതിയ 3 എ വിജ്ഞാപനമെത്തിയാൽ മാത്രമേ സർവേ മാറ്റാനാകൂ. ഇതിന് സാങ്കേതിക തടസ്സങ്ങളേറെയാണ്. തിരൂർ താലൂക്കിലെ 3 എക്ക് ശേഷം 3 ബി, 3 സി വരെയുള്ള നടപടികളുമായി ദേശീയപാത അതോറിറ്റി നടപടികൾ വേഗത്തിലാക്കിയിട്ടുണ്ട്. ഏഴ് പ്രവൃത്തിദിനങ്ങൾക്കുള്ളിൽ പൊന്നാനി താലൂക്കിലെ 3 എ വിജ്ഞാപനം എത്തുമെന്ന് ദേശീയപാത എൽ ആൻഡ് എ ഡെപ്യൂട്ടി കലക്ടർ ഡോ. ജെ.ഒ. അരുൺ 'മാധ്യമ'ത്തോട് പറഞ്ഞു. സാേങ്കതികപിഴവ് പരിഹരിച്ച് രണ്ടാമതയച്ചതിനാലാണ് പൊന്നാനി താലൂക്കിലേത് വൈകിയത്. അലൈൻമെൻറ് മാറ്റിയാൽ പുതിയ 3 എ വിജ്ഞാപന പ്രകാരം ഒരു ദിവസത്തിനുള്ളിൽ സർവേ പൂർത്തിയാക്കാനാകുമെന്നും ഡെപ്യൂട്ടി കലക്ടർ പറഞ്ഞു. അലൈൻമെൻറ് മാറ്റം ദേശീയപാത അതോറിറ്റിയുടെ നിലവിലെ സാഹചര്യപ്രകാരം സാധ്യമല്ലെന്നും സർക്കാർ തലത്തിൽ തീരുമാനമെത്തിയാൽ അക്കാര്യം പരിശോധിക്കുമെന്നും ദേശീയപാത ഉന്നത ഉദ്യോഗസ്ഥൻ പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story