ബസ്​ സ്​റ്റോപ്പുകളുടെ ഉദ്​ഘാടനം ഇന്ന്​

മലപ്പുറം: എം.എൽ.എയുടെ പ്രാദേശിക വികസന ഫണ്ടിൽനിന്ന് പത്ത് ലക്ഷം രൂപ ചെലവിൽ നിർമിച്ച ഹൈടെക് ബസ് സ്റ്റോപ്പുകളുടെ ഉദ്ഘാടനം ഞായറാഴ്ച രാവിലെ 11.30ന് മലപ്പുറത്ത് പി. ഉബൈദുല്ല എം.എൽ.എ നിർവഹിക്കും. മലപ്പുറം കുന്നുമ്മൽ-പെരിന്തൽമണ്ണ റോഡ്, കോട്ടപ്പടി-തിരൂർ റോഡ്, പൂക്കോട്ടൂർ ടൗൺ എന്നിവിടങ്ങളിലാണ് ബസ് സ്റ്റോപ്പുകൾ. പാണക്കാട് ജങ്ഷൻ, മൂന്നാം പടി, മോങ്ങം, കളത്തുംപടി, ചട്ടിപ്പറമ്പ് ജങ്ഷൻ വള്ളുവമ്പ്രം ജങ്ഷൻ എന്നിവിടങ്ങളിൽ ഹൈടെക് പാസഞ്ചർ ലോഞ്ചുകൾ നിർമിക്കുന്നതിന് ഈ വർഷത്തെ മണ്ഡലം ആസ്തി വികസന ഫണ്ടിൽനിന്ന് 25 ലക്ഷം രൂപ അനുവദിച്ചിട്ടുണ്ടെന്നും എം.എൽ.എ അറിയിച്ചു.