സിക വൈറസ്​: ബോധവത്​കരണവുമായി ആരോഗ്യവകുപ്പ്​

കൊണ്ടോട്ടി: സിക വൈറസ് ഭീഷണിയെ തുടര്‍ന്ന് കരിപ്പൂര്‍ വിമാനത്താവളത്തിലും പരിസരത്തും പരിശോധനയും ബോധവത്കരണവുമായി ആരോഗ്യവകുപ്പ്. നഗരസഭ പരിധിയിലും കൊതുക് നിവാരണ പ്രവൃത്തികൾ നടത്തുന്നുണ്ട്. ഇതി​െൻറ ഭാഗമായി ചൊവ്വാഴ്ച വിമാനത്താവള പരിസരങ്ങളിലെ വീടുകളിൽ ആരോഗ്യവകുപ്പ് ഉദ്യോഗസ്ഥരെത്തി. ഡെങ്കിപ്പനി പടരുന്നതിനാല്‍കൂടിയാണ് പരിശോധന. വിമാനത്താവളം വഴി വിവിധ രാജ്യങ്ങളില്‍ നിന്നെത്തുന്നവർ വഴി രോഗം പടരാതിരിക്കാനാണ് ആരോഗ്യവകുപ്പ് കര്‍ശന പരിശോധന നടത്തുന്നത്. പരിസരത്തെ വീടുകളിലെത്തി കൊതുക് പടരാതിരിക്കാന്‍ പ്രതിരോധ പ്രവര്‍ത്തനമാണ് നടത്തുന്നത്.