കരിദിനം ആചരിച്ചു

വണ്ടൂർ: പെട്രോൾ-ഡീസൽ വിലവർധനയിൽ പ്രതിഷേധിച്ച് മിനി പിക്അപ് സ്റ്റാൻഡിലെ ഡ്രൈവർമാർ കരിദിനം ആചരിച്ചു. മുഴുവൻ വാഹനങ്ങളിലും പ്രതിഷേധ സൂചകമായി കറുത്ത കൊടിയും പ്ലക്കാർഡും സ്ഥാപിച്ചു. ഇന്ധന വില ദിവസേന കൂടുന്നത് തങ്ങളുടെ തൊഴിൽ മേഖലയെ പ്രതിസന്ധിയിലാക്കിയിരിക്കുകയാണെന്ന് ഇവർ പറഞ്ഞു. എം.കെ. ഹംസ, പി. മുഹമ്മദലി, എം.കെ. നജീബ്, ടി.പി. ശിഹാബുദ്ദീൻ, കെ. ജലീൽ, ഐ.കെ. സാജിദ് എന്നിവർ നേതൃത്വം നൽകി.