പാക്​ ആക്രമണം; രണ്ടു പേർക്ക്​ പരിക്ക്​

പാക് ആക്രമണം; രണ്ടു പേർക്ക് പരിക്ക് ജമ്മു: നിയന്ത്രണരേഖയിൽ കശ്മീരിലെ പൂഞ്ച് ജില്ലയിൽ പാക്സേന നടത്തിയ ആക്രമണത്തിൽ ഇന്ത്യൻ സേനക്കൊപ്പം അതിർത്തി കാവൽ വിഭാഗത്തിൽ ജോലിചെയ്യുന്ന രണ്ടു പേർക്ക് പരിക്കേറ്റു. വ്യാഴാഴ്ച രാവിലെ 11.45ന് പ്രകോപനം കൂടാതെ പാക് സേന വെടിയുതിർക്കുകയായിരുന്നെന്ന് മുതിർന്ന സൈനിക ഉദ്യോഗസ്ഥൻ പറഞ്ഞു. പരിക്കേറ്റവരെ സമീപത്തെ ആശുപത്രിയിൽ പ്രവേശിപ്പിച്ചു. ഇവരുടെ നില തൃപ്തികരമാണ്.