രാജാസിൽ 'തോണി തുഴയൽ'

കോട്ടക്കൽ: സ്കൂളിലെ ജലാശയത്തിൽ ഓണാഘോഷ ഭാഗമായി സംഘടിപ്പിച്ച തോണി തുഴയൽ മത്സരം ശ്രദ്ധേയമായി. ഗവ. രാജാസ് ഹയർ സെക്കൻഡറി സ്കൂളിലാണ് വ്യത്യസ്ത മത്സരങ്ങൾ നടന്നത്. വിവിധ മത്സരങ്ങൾക്കൊപ്പം രക്ഷിതാക്കൾക്കായി മൈലാഞ്ചി മത്സരവും സംഘടിപ്പിച്ചു. പ്രധാനാധ്യാപിക കെ.വി. ലത ഉദ്ഘാടനം ചെയ്തു. തോണി തുഴയൽ മത്സരം കുട്ടി മാവേലിയായി വേഷമിട്ട പി.പി. രഞ്ജിത്ത് ഉദ്ഘാടനം ചെയ്തു. അധ്യാപകരായ കെ.ജെ. മേരി, പി.കെ. വിനോദ് കുമാർ, യു. മജീദ്, വിനു, എസ്. ജയശ്രീ , മുജീബ് റഹ്മാൻ, സമീർ ബാബു, പ്രവീൺ, വിഷ്ണുരാജ്, ജാഫർ, ഉബൈദ് എന്നിവർ പരിപാടിക്ക് നേതൃത്വം നൽകി.