Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightMalappuramchevron_rightവിദ്യാർഥിനിയുടെ...

വിദ്യാർഥിനിയുടെ ആത്മഹത്യ: സ്​കൂൾ പ്രിൻസിപ്പൽ അറസ്​റ്റിൽ

text_fields
bookmark_border
വിദ്യാർഥിനിയുടെ ആത്മഹത്യ: സ്കൂൾ പ്രിൻസിപ്പൽ അറസ്റ്റിൽ ഗുവാഹതി: അസമിൽ സ്കൂൾ പ്രിൻസിപ്പൽ വഴക്കുപറയുകയും അടിക്കുകയും ചെയ്തതിന് വിദ്യാർഥിനി ജീവനൊടുക്കി. സംഭവത്തിൽ പ്രിൻസിപ്പൽ അറസ്റ്റിലായി. ഗുവാഹതിയിൽനിന്ന് 470 കിലോമീറ്റർ അകലെ നഹർകാതിയിലെ സ​െൻറ് മേരീസ് ഹയർ സെക്കൻഡറി സ്കൂളിലാണ് സംഭവം. പ്രിൻസിപ്പൽ സിസ്റ്റർ റാൻസി സെബാസ്റ്റ്യൻ ആണ് അറസ്റ്റിലായത്. ഒരു അധ്യാപികയെക്കുറിച്ച ചില മോശം പരാമർശങ്ങൾ ഏഴാം ക്ലാസ് വിദ്യാർഥിനി നമ്രത ശർമ സ്കൂളിൽ എഴുതിവെച്ചെന്ന പരാതി സംബന്ധിച്ച് അന്വേഷിച്ച പ്രിൻസിപ്പൽ, മറ്റു വിദ്യാർഥികളുടെ മുന്നിൽവെച്ച് അധിക്ഷേപിക്കുകയും മർദിക്കുകയും ചെയ്തെന്നാണ് ആത്മഹത്യക്കുറിപ്പിൽ പറയുന്നത്. ഇതി​െൻറ പേരിൽ സംഭവ ദിവസം ഉച്ചക്കുശേഷം വിദ്യാർഥിനി ക്ലാസ്മുറി വിടുകയും പിന്നീട് ജീവനൊടുക്കുകയുമായിരുന്നു. കഴിഞ്ഞ ചൊവ്വാഴ്ച നടന്ന ആത്മഹത്യയുമായി ബന്ധപ്പെട്ട് ഞായറാഴ്ച ശിക്ഷ നിയമത്തിലെ 306, 34 വകുപ്പുകൾ പ്രകാരമാണ് പ്രിൻസിപ്പലിനെ അറസ്റ്റ് ചെയ്തത്.
Show Full Article
TAGS:LOCAL NEWS 
Next Story