Begin typing your search above and press return to search.
exit_to_app
exit_to_app
Posted On
date_range 9 Oct 2017 5:11 AM GMT Updated On
date_range 9 Oct 2017 5:11 AM GMTമലയോര മേഖലയിലേക്ക് ആവശ്യത്തിന് ബസില്ല; യാത്രാക്ലേശം രൂക്ഷം
text_fieldsbookmark_border
കല്ലടിക്കോട്: കരിമ്പ ഗ്രാമപഞ്ചായത്തിലെ മലയോര മേഖലയിലേക്ക് ആവശ്യത്തിന് ബസ് സർവിസ് ഇല്ലാത്തതിനാൽ യാത്രാക്ലേശം രൂക്ഷമായി. മൂന്നേക്കറിനും പരിസര പ്രദേശങ്ങളിലേക്കുമാണ് ആവശ്യത്തിന് യാത്ര സൗകര്യമില്ലാത്തത്. ഇത് തദ്ദേശവാസികൾക്ക് പ്രയാസമുണ്ടാക്കുന്നു. ഒറ്റപ്പെട്ട സ്വകാര്യ ബസ് സർവിസാണ് വിനോദസഞ്ചാര കേന്ദ്രമായ മീൻവല്ലത്തേക്കും മൂന്നേക്കറിലേക്കും നിലവിലുള്ളത്. കരിമ്പ ഗ്രാമപഞ്ചായത്ത് ആസ്ഥാനത്തേക്ക് എത്തിപ്പെടുന്നതിനും ആശുപത്രികളിൽ പോകുന്നതിനും നിലവിൽ എട്ട് മുതൽ 15 കിലോ മീറ്റർ ദൂരം സഞ്ചരിക്കണം. കരിമല, പാങ്ങ്, ചുള്ളിയാംകുളം, മൂന്നേക്കർ, തുടിക്കോട്, മരുതംകാട് എന്നീ സ്ഥലങ്ങളിൽനിന്ന് ദിനേന വിദൂര ദിക്കുകളിലെ വിദ്യാലയങ്ങളിൽ എത്തിപ്പെടുന്നതിനും ജോലിസ്ഥലത്ത് എത്തുന്നതിനും ഇവിടത്തുകാർ വളരെ ക്ലേശിക്കുകയാണ്. ഈ മേഖലയിലേക്ക് കൂടുതൽ ബസ് സർവിസ് ഒരുക്കണമെന്ന ജനകീയ ആവശ്യം ഇനിയും നടപ്പായിട്ടില്ല.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story