Begin typing your search above and press return to search.
exit_to_app
exit_to_app
Posted On
date_range 30 July 2017 8:38 AM GMT Updated On
date_range 30 July 2017 8:38 AM GMTകൊണ്ടോട്ടിയുടെ സമഗ്ര വികസനത്തിന് വഴി തെളിച്ച് സെമിനാർ
text_fieldsbookmark_border
കൊണ്ടോട്ടി: മണ്ഡലത്തിെൻറ സമഗ്ര വികസനത്തിന് പുതിയ ദിശാബോധം നൽകുന്നതായി ശനിയാഴ്ച നടന്ന വികസന സെമിനാർ. ടി.വി. ഇബ്രാഹീം എം.എൽ.എയാണ് ജില്ലയിൽ ആദ്യമായി ഒരു മണ്ഡലത്തിെൻറ വിവിധ മേഖലകളിലെ വികസനം ലക്ഷ്യമിട്ട് സെമിനാർ സംഘടിപ്പിച്ചത്. എട്ട് മേഖലകളിലായി വികസന കാഴ്ചപ്പാടിെൻറ കരട് രേഖയാണ് ശനിയാഴ്ചയിലെ സെമിനാറിൽ അവതരിപ്പിച്ചത്. വിവിധ വകുപ്പുകളിലെ ഉദ്യോഗസ്ഥരോടും പൊതു പ്രവർത്തകരോടും ആശയ വിനിമയം നടത്തിയതിെൻറ അടിസ്ഥാനത്തിലാണ് കരട് രൂപരേഖ തയാറാക്കിയത്. പൊതുജനങ്ങൾ, ഉദ്യോഗസ്ഥർ, ജനപ്രതിനിധികൾ എന്നിവരുെട നിർദേശങ്ങൾ സെമിനാറിൽ ചർച്ച ചെയ്തു. ഭേദഗതികളും കൂട്ടിച്ചേർക്കലുമടക്കമുള്ള വിഷയങ്ങൾ ചർച്ചയായി. ഒാരോ മേഖലയും ആ മേഖലയുടെ വികസനവുമായി ബന്ധപ്പെട്ട കരട് നിർദേശങ്ങളും ഇങ്ങനെ. 1. സാംസ്കാരികം, യുവജനം, കായികം, വിനോദം - കൊണ്ടോട്ടി നഗരത്തിെൻറ സാംസ്കാരിക തനിമ നിലനിർത്തി ഖുബ്ബയും തഖിയവും സംരക്ഷിക്കുക. എലഞ്ഞിമര ചുവട് തീർഥാടന വിശ്രമകേന്ദ്രമായി മാറ്റുക - കെ.സി. കോമുക്കുട്ടി മൗലവി മാധ്യമപഠന കേന്ദ്രം, ടി.എ. റസാഖ് ദൃശ്യകലാ കേന്ദ്രം, ചാലിലകത്ത് കുഞ്ഞഹമ്മദ് ഹാജി സാമൂഹിക ശാസ്ത്ര കേന്ദ്രം, കെ. രാധാകൃഷ്ണ മോനോൻ ദേശീയോദ്ഗ്രഥന കേന്ദ്രം എന്നിവ സ്ഥാപിക്കുക - സ്പോർട്സ് അതോറിറ്റി രൂപവത്കരണം, സമഗ്ര വിദ്യാലയ നീന്തൽ പരിശീലനകേന്ദ്രങ്ങൾ, ചാലിയാർ-ചെരുപ്പടി മല ടൂറിസം പദ്ധതികൾ 2. വിദ്യാഭ്യാസ മേഖല -അധ്യാപക ശാക്തീകരണം, പി.ടി.എ-എസ്.എം.സി ശാക്തീകരണം, സ്കൂൾ വികസനസമിതി, ഉന്നത വിദ്യാഭ്യാസ ശാക്തീകരണം -കായിക പ്രതിഭകളെ കണ്ടെത്താൻ കായികവേദി -സ്കോളർഷിപ് ആൻഡ് ടാലൻറ് സെർച്ച് -കഥ, കവിത, നാടൻ കലകൾ, നാടകം, നൈപുണ്യ വികസനം എന്നിവക്കുള്ള പരിശീലനം -കരിയർ െഡവലപ്മെൻറ്, തൊഴിൽ മേള -പ്രത്യേക പരിഗണന അർഹിക്കുന്ന കുട്ടികൾക്കായി സഹായങ്ങൾ 3. കൃഷി, ജലസേചനം, മൃഗസംരക്ഷണം --------------------------- -നെൽകൃഷി വ്യാപനം -സമഗ്ര പച്ചക്കറി കൃഷി പദ്ധതി - മണ്ണ്-ജല സംരക്ഷണം, മൃഗ സംരക്ഷണം -എക്കോഷോപ്, ഫലവൃക്ഷവത്കരണം 4. പശ്ചത്തല വികസനം ------------------------------ - തിരക്കില്ലാത്ത യാത്രക്കായി ഗതാഗതക്കുരുക്കുകൾ കുറക്കുക, പാർക്കിങ് സൗകര്യം വർധിപ്പിക്കുക, ൈഫ്ല ഒാവറുകൾ സ്ഥാപിക്കുക. - കൊണ്ടോട്ടി, പുളിക്കൽ, എടവണ്ണപ്പാറ നഗരങ്ങളും മോയിൻകുട്ടി വൈദ്യർ അക്കാദമി പരിസരവും സൗന്ദര്യവത്കരണം - ബസ് സ്റ്റാൻഡ് ആധുനികവത്കരണം, ബസ് ബേ - പാർക്കിങ് ഗോപുരം, റോഡ് സുരക്ഷ സമിതികൾ -മിനി സിവിൽ സ്റ്റേഷൻ -കുടിവെള്ള സംരക്ഷണ വിതരണം, ഉൗർജ സംരക്ഷണം, സർക്കാർ സ്ഥാപനങ്ങളുടെ അടിസ്ഥാന സൗകര്യങ്ങൾ വർധിപ്പിക്കുക. 5. സാമൂഹിക ക്ഷേമം -------------- - സ്ത്രീകൾ, വിധവകൾ, അവിവാഹിതർ തുടങ്ങിയവർക്കായി മഹിളാമിത്രം, ഉണർവ് പദ്ധതികൾ - എല്ലാവർക്കും ഭൂമി എല്ലാവർക്കും വീട് -മാരകരോഗം പിടിപ്പെട്ടവരുടെ ജീവിതവും കുട്ടികളുടെ പഠനവും മുന്നോട്ട് കൊണ്ടുപോകുന്നതിനുളള പദ്ധതി - മാനസിക വെല്ലുവിളി നേരിടുന്നവർക്കുള്ള പദ്ധതി -കൊണ്ടോട്ടി മണ്ഡലത്തെ ലഹരി വിമുക്തമാക്കാൻ കർമ പദ്ധതികൾ 6. ആരോഗ്യം - മണ്ഡലത്തിലെ മുഴുവൻ വിദ്യാലയങ്ങളിലും സർക്കാർ സ്ഥാപനങ്ങളിലും രോഗാണുമുക്ത കുടിവെള്ളം -മണ്ഡലത്തിലെ മുഴുവൻ കുടുംബങ്ങൾക്കും അപകടമരണ ഇൻഷുറൻസ് -പഞ്ചായത്തുതലത്തിൽ വ്യായാമകേന്ദ്രങ്ങൾ -മുഴുവൻ ആരോഗ്യേകന്ദ്രങ്ങളിലും രോഗനിർണയ സംവിധാനം -താലൂക്ക് ആശുപത്രി യാഥാർഥ്യമാക്കൽ 7. പ്രവാസി ക്ഷേമം -പ്രവാസി പ്രശ്നപരിഹാരങ്ങൾക്ക് ഹെൽപ് ഡെസ്ക്കുകൾ -പ്രവാസി പുനരധിവാസങ്ങളിൽ ക്രിയാത്മക ഇടപ്പെടലിനുള്ള വേദി -പ്രവാസി ആരോഗ്യ ഇൻഷുറൻസ് പദ്ധതികൾ -പ്രവാസി ഡാറ്റ ബാങ്ക്, പലിശ രഹിതവായ്പ നിധി, സ്കിൽ എംപവർമെൻറ് പ്രോഗ്രാം 8. നിയമനിർവഹണം -മണ്ഡലത്തിലെ ജനപ്രതിനിധികൾ, തഹസിൽദാർ, പൊലീസ്, വില്ലേജ് ഒാഫിസർമാർ, എക്സൈസ് ഉദ്യോഗസ്ഥർ എന്നിവരെ ഉൾപ്പെടുത്തിയുള്ള സമിതി -പ്രശ്നപരിഹാരങ്ങൾക്കുള്ള വേദി
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story