ക്വാറിയിൽവീണ് വിദ്യാർഥി മരിച്ചു

ചെർപ്പുളശ്ശേരി: കയിലിയാട് മാമ്പറ്റപടിയിൽ ക്വാറിയിൽവീണ് ബിരുദ വിദ്യാർഥി മരിച്ചു. കയിലിയാട് ചുള്ളിയൻകാട്ടിൽ ഇഖ്ബാലി​െൻറ മകൻ ഇർഫാനാണ് (21) മരിച്ചത്. ശനിയാഴ്ച വൈകീട്ട് ആറോടെ വാഹനം കഴുകുന്നതിനുവേണ്ടി ക്വാറിയിൽ പോയപ്പോൾ കാൽവഴുതി വീണതാകാമെന്നാണ് സംശയിക്കുന്നത്. ഷൊർണൂരിൽനിന്ന് ഫയർഫോഴ്സും പൊലീസും സ്ഥലത്തെത്തി രാത്രി 7.45ഓടെയാണ് മൃതദേഹം പുറത്തെടുത്തത്. മാതാവ്: സഫ്ന. വിദ്യാർഥികളായ ഇർഷാന, ഇർഷാൻ എന്നിവർ സഹോദരങ്ങളാണ്. മൃതദേഹം വാണിയംകുളം പി.കെ. ദാസ് ആശുപത്രി മോർച്ചറിയിലേക്ക് മാറ്റി.